(vovworld) - ວັນທີ 28/11, ຢູ່ນະຄອນໂຮ່ຈິມິນ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ເຂົ້າຮ່ວມພິທີໄຂກອງປະຊຸມ ແລະ ງານວາງສະແດງຂອງສະພານ້ຳມັນອາຍແກັດອາຊຽນ (ASCOPE) ຄັ້ງທີ 10 ໂດຍກຸ່ມບໍລິສັດນ້ຳມັນອາຍແກັດຫວຽດນາມ ຈັດຕັ້ງ. ກ່າວຄຳເຫັນຢູ່ທີ່ນີ້, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ຫວັງວ່າ ເຫດການນີ້ຈະຊ່ວຍເພີ່ມທະວີການຮ່ວມມື, ແລກປ່ຽນບັນດາເຕັກໂນໂລຊີທີ່ທັນສະໄໝທີ່ສຸດ, ສົມທົບກັນຢ່າງຮອບດ້ານລະຫວ່າງບັນດາກຸ່ມບໍລິສັດນ້ຳມັນອາຍແກັດແຫ່ງຊາດໃນສະພານ້ຳມັນອາຍແກັດອາຊຽນ ກໍ່ຄືບັນດາກຸ່ມບໍລິສັດສາກົນຢ່າງຮອບດ້ານ.
ກອງປະຊຸມ ແລະ ງານວາງສະແດງຂອງສະພານ້ຳມັນອາຍແກັດອາຊຽນ 2013 ດຳເນີນໄປເປັນເວລາ 3 ວັນ, ແຕ່ວັນທີ 28/11 – 30/11. ບັນດາບໍລິສັດນ້ຳມັນອາຍແກັດອັນດັບໜຶ່ງໃນພາກພື້ນ ແລະ ໂລກ ພ້ອມກັບສະມາຊິກ ASCOPE ໄດ້ແນະນຳບັນດາເຄື່ອງອຸປະກອນ ແລະ ເຕັກນິກນ້ຳມັນອາຍແກັດທີ່ທັນສະໄໝທີ່ສຸດ ເພື່ອຮັບໃຊ້ໃຫ້ແກ່ການເຄື່ອນໄຫວສຳຫຼວດ, ຂຸດຄົ້ນ, ຜະລິດ ແລະ ຂົນສົ່ງນ້ຳມັນອາຍແກັດ, ບັນດາເຄື່ອງວັດແທກ ແລະ ຄວບຄຸ້ມພະລັງງານ.