(vovworld) - ໃນຂອບເຂດການຢ້ຽມຢາມ ແລະ ເຮັດວຽກຢູ່ລາວ, ວັນທີ 19/12, ຄະນະຜູ້ແທນກະຊວງການເງິນຫວຽດນາມ ໄດ້ຮ່ວມກອງປະຊຸມ ແລະ ເຊັນບົດບັນທຶກຊ່ວຍຈຳກ່ຽວກັບແຜນການຮ່ວມມື ໃນປີຈະມາເຖິງ ກັບກະຊວງການເງິນລາວ. ເນື່ອງໃນໂອກາດນີ້, ສອງຝ່າຍໄດ້ຕີລາຄາແຜນການຮ່ວມມືລະຫວ່າງສອງກະຊວງ ໃນໄລຍະຜ່ານມາ, ໃນນັ້ນມີບັນຫາການຮ່ວມມື ບຳລຸງສ້າງແຫຼ່ງຊັບພະຍາກອນມະນຸດ, ແລກປ່ຽນບົດຮຽນ, ໝາກຜົນຂອງການຮ່ວມມືໃນໄລຍະ 2011 – 2015. ສອງຝ່າຍກໍຊີ້ໃຫ້ເຫັນບັນດາສາຍເຫດ ແລະ ດ້ານທີ່ຍັງຈຳກັດໃນການຮ່ວມມືລະຫວ່າງສອງປະເທດ ແລະ ວາງອອກທິດທາງຮ່ວມມືໃນໄລຍະຈະມາເຖິງ, ພິເສດແມ່ນໃນປີ 2013. ທ່ານຮອງລັດຖະມົນຕີກະຊວງການເງິນຫວຽດນາມ ຫງວຽນຮິວຈິ໋ ແລະ ທ່ານຮອງລັດຖະມົນຕີກະຊວງການເງິນລາວ ສັນຕິພາບ ພົມວິຫານ ໄດ້ເປັນເອກະພາບໃຫ້ບຸລິມະສິດ ແລະ ສຸມໃສ່ບາງບັນຫາພື້ນຖານຄື: ປະສານສົມທົບກັນຍົກສູງຄຸນນະພາບຖັນແຖວຄູອາຈານຂະແໜງການເງິນຂອງລາວ, ສ້າງກົງຈັກໂຄງຮ່າງການຈັດຕັ້ງຂະແໜງການເງິນຂອງລາວ ໃຫ້ສົມບຸນແບບ ເພື່ອຕອບສະໜອງໃຫ້ແກ່ສະພາບພັດທະນາເສດຖະກິດໃນໄລຍະຈະມາເຖິງ.