(vovworld) – ຮັບຄຳເຊື້ອເຊີນຂອງພົນເອກ ຟຸ່ງກວາງແທງ, ກຳມະການກົທການເມືອງ, ລັດຖະມົນຕີກະຊວງປ້ອງກັນປະເທດ, ຄະນະຜູ້ແທນຂັ້ນສູງກະຊວງປ້ອງກັນປະເທດ ນິວເຊີແລນ ໂດຍທ່ານ Jonathan Coleman, ລັດຖະມົນຕີກະຊວງປ້ອງກັນປະເທດ ນິວເຊີແລນ ເປັນຫົວໜ້າຄະນະມາຢ້ຽມຢາມ ຫວຽດນາມ ຢ່າງເປັນທາງການ. ຕອນເຊົ້າວັນທີ 25/11, ຫຼັງຈາກພິທີຕ້ອນຮັບຢ່າງເປັນທາງການ, ສອງຝ່າຍໄດ້ດຳເນີນການພົບປະເຈລະຈາ. ທີ່ການພົບປະເຈລະຈາ, ທ່ານລັດຖະມົນຕີກະຊວງປ້ອງກັນປະເທດ ຟຸ່ງກວາງແທງ ຕີລາຄາສູງບັນດາການປະກອບສ່ວນຂອງ ນິວເຊີແລນໃນກົນໄກເຮັດວຽກຂອງກອງປະຊູມລັດຖະມົນຕີປ້ອງກັນປະເທດບັນດາປະເທດ ອາຊຽນ ເປີດກວ້າງ (ADDM+); ຊົມເຊີຍ ແລະ ສະໜັບສະໜຸນຄວາມມານະພະຍາຍາມຂອງ ນິວເຊີແລນ ໃນການຮັກສາ, ຊຸກຍູ້ສັນຕິພາບ, ຄວາມໝັ້ນຄົງ, ພັດທະນາໃນພາກພື້ນ ແລະ ໃນໂລກ. ລັດຖະມົນຕີກະຊວງປ້ອງກັນປະເທດ ຟຸ່ງກວາງແທງ ນັ້ນໜັກວ່າ ຫວຽດນາມກ່ຽມພ້ອມທີ່ຈະຮ່ວມມືກັບ ນິວເຊີແລນ ກ່ຽວກັບການປ້ອງກັນຄວາມສະຫງົບທາງທະເລ, ຮັບບັນດາກຳປັ່ນກອງທັບເຮືອ ນິວເຊີແລນ ມາຢ້ຽມຢາມ ຫວຽດນາມ ແລະ ຂົງເຂດຕ່າງໆທີ່ສອງຝ່າຍມີຄວາມຕ້ອງການ ແລະ ຄວາມສາມາດ.
ສ່ວນທ່ານ ລັດຖະມົນຕີກະຊວງປ້ອງກັນປະເທດ ນິວເຊີແລນ Jonathan Coleman ກໍ່ປາຖະໜາຢາກ ສືບຕໍ່ເປີດກວ້າງບັນດາການເຄື່ອນໄຫວຮ່ວມມືບຳລຸງສ້າງພາສາ ອັງກິດ, ວິຊາສະເພາະບັນດາເຫຼົ່າຮົບ, ພິເສດແມ່ນແລກປ່ຽນບົດຮຽນເຂົ້າຮ່ວມກຳລັງຮັກສາສັນຕິພາບຢູ່ ສປຊ. ຫຼັງຈາກການພົບປະເຈລະຈາ, ລັດຖະມົນຕີສອງທ່ານໄດ້ລົງລາຍເຊັນບົດບັນທຶກກ່ຽວກັບການຮ່ວມມືປ້ອງກັນປະເທດສອງຝ່າຍ.