(ພາບ:ອິນເຕີແນັດ)
(vovworld) - ຕອນບ່າຍວັນທີ 26/11, ທີ່ສຳນັກງານລັດຖະບານ, ທ່ານຮອງນາຍົກລັດຖະມົນຕີຫວູ໋ວັນນິງ ໄດ້ໃຫ້ການຕ້ອນຮັບທ່ານ Samir A.O.Abuznaid ປະທານອົງການກວດສອບແຫ່ງລັດ ແລະ ຕິດຕາມກວດກາບໍລິຫານປາແລດສະຕິນ ຊື່ງພວມຢູ່ຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີຫວູ໋ວັນນິງ ໄດ້ຕີລາຄາສູງບັນດາໝາກຜົນແຫ່ງການຮ່ວມມືໃນຫຼາຍຂົງເຂດຊື່ງຫວຽດນາມ ແລະ ປາແລດສະຕິນ ບັນລຸໄດ້ໃນໄລຍະຜ່ານມາພ້ອມທັງຖືວ່າ: ຍັງມີຄວາມສາມາດບົ່ມຊ້ອນຫຼາຍຢ່າງຊື່ງສອງປະເທດບໍ່ທັນຂຸດຄົ້ນໝົດເທື່ອ, ຄວນສືບຕໍ່ຍູ້ແຮງການຮ່ວມມືກ່ວາອີກ. ພິເສດແມ່ນໃນຂົງເຂດເສດຖະກິດ. ທ່ານຮອງນາຍົກລັດຖະມົນຕີຫວູ໋ວັນນິງ ຢືນຢັນວ່າ: ຫຼັກໝັ້ນສະເໝີຕົ້ນສະເໝີປາຍຂອງຫວຽດນາມ ແມ່ນຍາມໃດກໍ່ສະໜັບສະໜູນລັດຖະບານ ແລະ ປະຊາຊົນປາແລດສະຕິນ ໃນການຕໍ່ສູ້ຍາດເອົາເອກະລາດ ແລະ ສ້າງສາປະເທດຊາດ. ທ່ານສະເໜີໃຫ້ບັນດາອົງການທີ່ກ່ຽວຂ້ອງສອງປະເທດ ຄວນປະສານສົມທົບກັນຢ່າງແໜ້ນແຟ້ນກ່ວາອີກ ເພື່ອປະກອບສ່ວນເປີດກ້ວາງການພົວພັນຮ່ວມມືລະຫວ່າງສອງລັດຖະບານ, ບັນດາກະຊວງ, ຂະແໜງການ, ອົງການ ແລະ ປະຊາຊົນສອງປະເທດ.