ທ່ານຫງວຽນດຶກແຮ້ງ
(ພາບ: thanhtra.com.vn)
(vovworld)- ຕອນເຊົ້າວັນທີ 3/6, ຢູ່ຮ່າໂນ້ຍ, ທ່ານຫງວຽນດຶກແຮ້ງ ຮອງຫົວໜ້າອົງການກວດກາລັດຖະບານຫວຽດນາມ ໄດ້ດຳເນີນການພົບປະເຈລະຈາກັບທ່ານຄຳສຸກ ບຸນຍະວົງ ຮອງຫົວໜ້າອົງການກວດກາລັດຖະບານລາວ ຊື່ງພວມຢູ່ຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານຮອງຫົວໜ້າອົງການກວດກາລັດຖະບານຫວຽດນາມ ຫງວຽນດຶກແຮ້ງ ຕີລາຄາສູງການປະຕິບັດຂໍ້ຕົກລົງຮ່ວມມືລະຫວ່າງອົງການກວດກາລັດຖະບານຫວຽດນາມ ແລະ ລາວ. ສ່ວນທ່ານຮອງຫົວໜ້າອົງການກວດກາລັດຖະບານລາວ ຄຳສຸກ ບຸນຍະວົງ ປາດຖໜາວ່າຈະສືບຕໍ່ໄດ້ຣັບການໜູນຊ່ວຍຈາກອົງການກວດກາລັດຖະບານຫວຽດນາມ. ສອງຝ່າຍເຫັນດີເປັນເອກະສັນຈະເພີ່ມທະວີການຮ່ວມມືດ້ານບຳລຸງສ້າງພະນັກງານ, ແລກປ່ຽນຂໍ້ມູນຂ່າວສານ, ເອກະສານ.
ກ່ຽວກັບການພົວພັນຫວຽດນາມ-ລາວ, ໜັງສືພິມປະເທດລາວ, ລາວພັດທະນາ ສະບັບອອກວັນທີ 3/6 ໄດ້ລົງພິມບົດຂຽນ, ຮູບພາບຕີລາຄາປະສິດທິຜົນແຫ່ງການເຄືອ່ນໄຫວຂອງກຸ່ມບໍລິສັດຢາງພາລາຫວຽດນາມ ໃນວິວັດການລົງທຶນຢູ່ລາວ. ຕາມບັນດາໜັງສືພິມແລ້ວ, ບັນດາວິສາຫະກິດຫວຽດນາມ ລົງທຶນເຂົ້າລາວ ບໍ່ພຽງແຕ່ເພື່ອເຮັດເສດຖະກິດເທົ່ານັ້ນ ຫາກຍັງໄດ້ຊ່ວຍທ້ອງຖິ່ນຕ່າງໆພັດທະນາ, ລົບລ້າງຄວາມອຶດຫິວ ຫລຸດຜ່ອນຄວາມທຸກຍາກຢ່າງໄວວາ ໂດຍສະເພາະແມ່ນບັນດາເຂດມີໂຄງການ.