(vovworld) - ຕອນບ່າຍວັນທີ 17/6, ປະທານຄະນະກຳມະການປະຊາຊົນ ນະຄອນ ໂຮ່ຈີມິນ ທ່ານ ເລຮ່ວາງກວນ ໄດ້ໃຫ້ການຕ້ອນຮັບທ່ານ Francois Cuillandre, ເຈົ້າຄອງນະຄອນ Brest, ສ ຝຣັ່ງ ພວມມີການຢ້ຽມຢາມ ແລະ ເຮັດວຽກຢູ່ນະຄອນ. ທ່ານ ເລຮ່ວາງກວນ ໃຫ້ຮູ້ວ່າ: ໃນຊຸມປີຜ່ານມາ, ບັນດາການເຄື່ອນໄຫວລົງທຶນການຄ້າ, ພົວພັນແລກປ່ຽນວັດທະນະທຳ, ການສຶກສາ, ສາທາລະນະສຸກ ລະຫວ່າງ ນະຄອນ ໂຮ່ຈີມິນ ກັບບັນດາທ້ອງຖິ່ນຂອງ ຝຣັ່ງ ໄດ້ດຳເນີນໄປຢ່າງຟົດຟື້ນ, ມີປະສິດທິຜົນ. ປະຈຸບັນ, ມີຫ້ອງການຕາງໜ້າຂອງບັນດາວິສາຫະກິດ ຝຣັ່ງ ປະຈຳນະຄອນ ໂຮ່ຈີມິນ ປະມານ 65 ແຫ່ງ. ບັນດາວິສາຫະກິດ ຝຣັ່ງ ກໍ່ລົງທຶນເຂົ້ານະຄອນ 152 ໂຄງການດ້ວຍຍອດເງິນລົງທຶນປະມານ 750 ລ້ານ USD. ທ່ານປະທານຄະນະກຳມະການປະຊາຊົນ ນະຄອນ ໂຮ່ຈີມິນ ເລຮ່ວາງກວນ ສະແດງຄວາມຫວັງວ່າຈະຮັບການແບ່ງປັນ, ຮ່ວມມືຈາກນະຄອນ Brest ໃນການພັດທະນາຕົວເມືອງ, ທ່າກຳປັ່ນ... ກໍ່ຄືຮຽກຮ້ອງໃຫ້ບັນດາວິສາຫະກິດ, ນັກລົງທຶນຂອງນະຄອນ Brest ແລະ ສ ຝຣັ່ງ ລົງທຶນເຂົ້ານະຄອນ, ພິເສດແມ່ນເຂດຕົວເມືອງທ່າກຳປັ່ນ ຮຽບເຟືອກ ເຊິ່ງແມ່ນໂຄງການພວມຜັນຂະຫຍາຍປະຕິບັດ.