ທ່ານ ຫງວຽນດຶກຈູງ ພົບປະ ແລະ ເຮັດວຽກກັບ
ເຈົ້າຄອງນະຄອນ ບັກກີງ ທ່ານ ວ໋າງອານສວນ
(vovworld) - ໃນການປະຕິບັດງານຕິດຕາມທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຢ້ຽມຢາມ ຈີນ ຢ່າງເປັນທາງການ ໃນລະຫວ່າງວັນທີ 10/09 – 15/09/2016, ທ່ານ ຫງວຽນດຶກຈູງ ປະທານຄະນະກຳມະການປະຊາຊົນນະຄອນກລວງ ຮ່າໂນ້ຍ ມີການພົບປະ ແລະ ເຮັດວຽກກັບເຈົ້າຄອງນະຄອນ ບັກກີງ ທ່ານ ວ໋າງອານສວນ ໃນວັນທີ 13/09. ທີ່ການເຮັດວຽກ, ການນຳ 2 ນະຄອນສະແດງຄວາມປິຕິຊົມ ຊື່ນຕໍ່ບັນດາຜົນງານ ແລະ ບາດກ້າວອັນດີງາມໃນການພົວພັນມິດຕະພາບການຮ່ວມມືທີ່ເປັນມູນເຊື້ອລະຫວ່າງ 2 ນະຄອນຫລວງ ໃນກ່ວາ 2 ທົດສະວັດຜ່ານມາ ແລະ ຢືນຢັນວ່າ ການແລກປ່ຽນຄະນະຜູ້ແທນເປັນປະຈຳ ມີຄວາມໝາຍສຳຄັນ, ເພີ່ມທະວີການພົວພັນມິດຕະພາບ, ການຮ່ວມມື ຮ່າໂນ້ຍ - ບັກກີງ, ຜ່ານນັ້ນ ປະກອບສ່ວນຊຸກຍູ້, ພັດທະນາການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຈີນ. 2 ຝ່າຍເຫັນດີເປັນເອກະພາບ ໃນໄລຍະຈະມາເຖິງ, ນະຄອນຫລວງ ຮ່າໂນ້ຍ ແລະ ບັກກີງ ຈະສືບຕໍ່ຮັກສາບັນດາການເຄື່ອນໄຫວແລກປ່ຽນຄະນະຜູ້ແທນການນຳ, ຊຸກຍູ້ການຮ່ວມມືໃນທຸກຂົງເຂດ. 2 ຝ່າຍເຫັນດີເປັນເອກະສັນ ແຕ່ລະຝ່າຍຈະສ້າງຕັ້ງກຸ່ມປະຕິບັດງານມີຄວາມຮັບຜິດຊອບ ຫັນບັນດາເນື້ອໃນຮ່ວມມືເປັນລະອຽດ, ເພື່ອຍື່ນສະເໜີຕໍ່ການນຳ 2 ນະຄອນເຊັນເອກະສານ ນຳການຮ່ວມມືລະຫວ່າງ 2 ນະຄອນຫລວງຂຶ້ນສູ່ລະດັບສູງໃໝ່.