(vovworld) - ໃນໄລຍະ 2 ປີຈະມາເຖິງ, ຫວຽດນາມ ແລະ ສະຫະພັນລັດເຊຍ ຈະສືບຕໍ່ເພີ່ມທະວີການຮ່ວມມືລະຫວ່າງອົງການໄອຍະການສອງປະເທດ. ນີ້ແມ່ນຂໍ້ຕົກລົງທີ່ບັນລຸໄດ້ລະຫວ່າງຜູ້ຕາງໜ້າອົງການໄອຍະການຫວຽດນາມ ແລະ ສະຫະພັນລັດເຊຍ, ໃນການຢ້ຽມຢາມຢູ່ສະຫະພັນລັດເຊຍ ຂອງຄະນະຜູ້ແທນອົງການໄອຍະການປະຊາຊົນສູງສຸດຫວຽດນາມ ໃນວັນທີ 7 – 8/11 ຜ່ານມາ. ທີ່ການເຮັດວຽກ, ຜູ້ຕາງໜ້າອົງການໄອຍະການຂອງຫວຽດນາມ ແລະ ສະຫະພັນລັດເຊຍໄດ້ເປັນເອກະພາບກັນກ່ຽວກັບໂຄງການຮ່ວມມືໃນ 2 ປີຈະມາເຖິງ, ເພີ່ມທະວີການແລກປ່ຽນຄະນະປະຕິບັດງານ, ສົມທົບກັນຕໍ່ສູ້ປ້ອງກັນ, ຕ້ານອາດຊະຍາກຳຂ້າມຊາດ; ແລກປ່ຽນຂໍ້ມູນຂ່າວສານກ່ຽວກັບອາດຊະຍາກຳ; ຮ່ວມມືກ່ຽວກັບການບຳລຸງສ້າງ, ຍົກສູງຄຸນນະພາບແຫຼ່ງຊັບພະຍາກອນມະນຸດ; ຮໍ່າຮຽນເອົາບົດຮຽນໃນການຄົ້ນຄວ້າວິທະຍາສາດ ແລະ ສ້າງກົດໝາຍເພື່ອແນໃສ່ສຳເລັດລະບົບກົດໝາຍຂອງຫວຽດນາມ. ການນຳອົງການໄອຍະການສອງປະເທດໃຫ້ຄຳໝັ້ນສັນຍາຈະສະໜັບສະໜູນເຊິ່ງກັນ ແລະ ກັນ ປົກປ້ອງສິດຖືກຕ້ອງຕາມກົດໝາຍຂອງພົນລະເມືອງຫວຽດນາມ ທີ່ພວມດຳລົງຊີວິດ, ເຮັດວຽກຢູ່ລັດເຊຍ ກໍຄືພົນລະເມືອງລັດເຊຍ ຢູ່ຫວຽດນາມ, ພ້ອມທັງຕໍ່ສູ້ກັບບັນດາອາດຊະຍາກຳ ແລະ ການກະທຳທີ່ຫຍໍ້ທໍ້ທີ່ກ່ຽວຂ້ອງເຖິງພົນລະເມືອງສອງປະເທດ.