(vovworld) - ຕອນເຊົ້າວັນທີ 02/07, ຄະນະຊີ້ນຳປ້ອງກັນ, ຕ້ານອາດຊະຍາກຳ; ກົມໃຫຍ່ຕຳຫຼວດປ້ອງກັນ, ຕ້ານອາດຊະຍາກຳ ກະຊວງຄຳຫຼວດ ສົມທົບກັບກອງທຶນເດັກນ້ອຍສະຫະປະຊາຊາດ (UNICEF) ຈັດຕັ້ງກອງປະຊຸມຜັນຂະຫຍາຍແຜນຮ່າງ: ເພີ່ມທະວີການຮ່ວມມືກັບສາກົນໃນວຽກງານປ້ອງກັນ, ຕ້ານການຄ້າມະນຸດ. ກອງປະຊຸມມີການເຂົ້າຮ່ວມຂອງບັນດາອົງການຕາງໜ້າສາກົນ, ອົງການຕາງໜ້າການທູດຫວຽດນາມ, ຜູ້ຕາງນ້າບັນດາກົມກອງທີ່ມີໜ້າທີ່ສັງກັດກະຊວງຕຳຫຼວດ ແລະ ບາງທ້ອງຖິ່ນຈຸດສຸມກ່ຽວກັບໄພຄ້າມະນຸດຢູ່ເຂດພາກເໜືອ. ແຜນຮ່າງໄດ້ຮັບການຜັນຂະຫຍາຍໃນຂອບເຂດທົ່ວປະເທດ, ໃຫ້ບຸລິມະສິດແຫຼ່ງກຳລັງສຸມໃສ່ຢູ່ບັນດາແຂວງ, ນະຄອນສັງກັດສູນກາງທີ່ມີເສັ້ນຊາຍແດນ, ມີດ່ານຊາຍແດນທາງອາກາດ ຫຼື ທ່າກໍ່າປັ່ນສາກົນ. ຄຽງຂ້າງການຕິດຕາມ, ແນະນຳ ແລະ ຈັດຕັ້ງການຜັນຂະຫຍາຍປະຕິບັດບັນດາສັນຍາສາກົນກ່ຽວກັບການປ້ອງກັນ, ຕ້ານການຄ້າມະນຸດ ເຊິ່ງຫວຽດນາມ ເປັນສະມາຊິກ. ຈຸດໝາຍຂອງແຜນການ, ຮອດປີ 2015 ແມ່ນກໍ່ສ້າງ, ເຈລະຈາ, ລົງນາມໃນສັນຍາຮ່ວມມື 2 ຝ່າຍກ່ຽວກັບການປ້ອງກັນ, ຕ້ານການຄ້າມະນຸດຢ່າງໜ້ອຍສຸດແມ່ນກັບ 3 ປະເທດ ແລະ ເຂດແຂວ້ນ. ແຜນຮ່າງຍັງເພີ່ມທະວີວຽກງານສື່ສານຕ່າງປະເທດທີ່ກ່ຽວຂ້ອງເຖິງການປ້ອງກັນ, ຕ້ານການຄ້າມະນຸດ ຜ່ານບັນດາຂົງເຂດຄື: ການຕ່າງປະເທດ, Interpol, ສົມທົບກັນສືບສວນ, ແກ້ໄຂການຄ້າມະນຸດທີ່ມີປັດໃຈຊາວຕ່າງປະເທດລະຫວ່າງອົງການທີ່ມີໜ້າທີ່ຂອງຫວຽດນາມ, ໂດຍສະເພາະແມ່ນບັນດາທ້ອງຖິ່ນຕິດກັບເສັ້ນຊາຍແດນກັບບັນດາອົງການທີ່ກ່ຽວຂ້ອງຂອງຕ່າງປະເທດ.