ເພີ່ມທະວີການຮ່ວມມືຮັບປະກັນຄວາມສະຫງົບ,ຄວາມເປັນລະບຽບຮຽບຮ້ອຍລະຫວ່າງ ຫວຽດນາມ ແລະ ອິດສຣາແອນ
ລັດຖະມົນຕີກະຊວງຕຳຫຼວດ, ພົນເອກ ເຈິນດ້າຍກວາງ ແລະ ຄະນະຜູ້ແທນກະຊວງຕຳຫຼວດ ອິດສຣາແອນ
(ພາບ:baodientu.chinhphu.vn)
(vovworld) - ວັນທີ 24/2, ທີ່ ຮ່າໂນ້ຍ, ພົນເອກ ເຈິນດ້າຍກວາງ, ລັດຖະມົນຕີກະຊວງຕຳຫຼວດ ໄດ້ມີການເຈລະຈາກັບພົນຕີ Yitzhak Aharonovitch, ຫົວໜ້າຄະນະຜູ້ແທນກະຊວງຕຳຫຼວດ ອິດສຣາແອນ, ທີ່ພວມຢ້ຽມຢາມ ແລະ ເຮັດວຽກ ຢູ່ ຫວຽດນາມ. ນະທີ່ນີ້, ລັດຖະມົນຕີສອງທ່ານພ້ອມກັນສະແດງຄວາມປາດຖະໜາຢາກສືບຕໍ່ເພີ່ມທະວີການພົວພັນຮ່ວມມືໃນຂົງເຂດຕ່າງໆຄື ປ້ອງກັນຄວາມສະຫງົບ, ຕຳຫຼວດ, ການຕ້ານອາດສະຍາກຳ ແລະ ຮ່ວມມືຍຸຕິທຳທາງອາຍາ; ເປີດກວ້າງການຮ່ວມມືໃນບັາດາຂົງເຂດຄື ການປ້ອງກັນໄຟໄໝ້ - ການດັບເພິງ, ການກູ້ໄພກູ້ຊົບ, ການຄຸ້ມຄອງຄຸກ ແລະ ປະຕິບັດຄະດີອາຍາ; ສົມທົບກັນຄົ້ນຄວ້າ, ສະເໜີຕໍ່ລັດຖະບານສອງປະເທດເຊັນສັນຍາຮ່ວມມື ປ້ອງກັນ - ຕ້ານອາດສະຍາກຳກ່ຽວກັບການພາຕົວ, ສັນຍາມອບສົ່ງຜູ້ຖືກຕັດສິນລົງໂທດຈຳຄຸກ, ສັນຍາໜູນຊ່ວຍຍຸຕິທຳທາງອາຍາ. ສອງຝ່າຍກໍປາດຖະໜາຢາກເພີ່ມທະວີການແບ່ງປັນບົດຮຽນໃນຂົງເຂດຕ່າງໆຄື ປ້ອງກັນຄວາມສະຫງົບ, ຕຳຫຼວດ, ທາບທາມ, ສົມທົບກັນສະໜັບສະໜຸນ, ຊ່ວຍເຫຼືອເຊີ່ງກັນ ແລະ ກັນຢູ່ບັນດາເວທີປາໄສຫຼາຍຝ່າຍ.