ທ່ານ Ilham Aliyev, ປະທານາທິບໍດີ ອາແຊກໄບຢານ
ແລະ ທ່ານປະທານປະເທດຫວຽດນາມເຈືອງເຕີນຊາງ
ພາບ:dantri.com.vn
|
(vovworld)-ໂດຍຮັບຄຳເຊີນຂອງທ່ານປະທານປະເທດຫວຽດນາມເຈືອງເຕີນຊາງ, ທ່ານ Ilham Aliyev, ປະທານາທິບໍດີ ອາແຊກໄບຢານ ເດີນທາງມາຮອດຮ່າໂນ້ຍ ເລີ່ມຕົ້ນການຢ້ຽມຢາມທາງລັດຖະກິດເຖິງຫວຽດນາມ ແຕ່ວັນທີ 18-20/5.
ຕອນເຊົ້າວັນທີ 19/5 ຢູ່ ຮ່າໂນ້ຍ, ພາຍຫລັງພິທີຕ້ອນຮັບທ່ານປະທານາທິບໍດີ Ilham Aliyev ຢ່າງເປັນທາງການ, ທ່ານປະທານປະເທດເຈືອງເຕີນຊາງ ແລະ ທ່ານປະທານາທິບໍດີ Ilham Aliyev ໄດ້ດຳເນີນການເຈລະຈາ. ສອງຝ່າຍເຫັນດີຄວນມີບັນດາມາດຕະການຢ່າງຕັ້ງຫນ້າ ເພື່ອເພີ່ມວົງເງິນການຄ້າ. ສອງຝ່າຍເຫັນດີເພີ່ມທະວີການແລກປ່ຽນຄະນະຜູ້ແທນບັນດາກະຊວງ, ຂະແຫນງການ, ຊຸກຍູ້ການເຄື່ອນໄຫວສົ່ງເສີມດ້ານການຄ້າ, ສູ້ຊົນນຳວົງເງິນການຄ້າສອງສົ້ນໃຫ້ຂຶ້ນເຖິງ 1 ຕື້ USD ໃນຊຸມປີຈະມາເຖິງ.
ທີ່ການເຈລະຈາ, ການນຳສອງທ່ານ ໄດ້ແລກປ່ຽນກ່ຽວກັບສະພາບການຢູ່ທະເລຕາເວັນອອກ. ທ່ານປະທານປະເທດເຈືອງເຕີນຊາງ ຢືນຢັນ: ທັດສະນະຂອງບັນດາປະເທດ ອາຊຽນ ແລະ ຫວຽດນາມ ໃນການແກ້ໄຂບັນດາການພິພາດຢູ່ທະເລຕາເວັນອອກໂດຍສັນຕິວິທີ ບົນພື້ນຖານກົດໝາຍສາກົນ.
ພາຍຫລັງການເຈລະຈາ, ການນຳສອງທ່ານໄດ້ພົບປະກັບວົງການນັກຂ່າວເພື່ອແຈ້ງໝາກຜົນຈຳນວນໜຶ່ງ. ທ່ານປະທານປະເທດເຈືອງເຕີນຊາງ ໃຫ້ຮູ້ວ່າ:
“ການຢ້ຽມຢາມຂອງທ່ານປະທານາທິບໍດີໄດ້ສ້າງກຳລັງໜູນຢ່າງແຮງ, ຊຸກຍູ້, ເພີ່ມທະວີ ແລະ ເປີດກ້ວາງ ການຮ່ວມມືໃນຫຼາຍດ້ານ, ພ້ອມກັນມີຜົນປະໂຫຍດໃນໄລຍຈະມາເຖິງ. ຂ້າພະເຈົ້າ ແລະ ທ່ານປະທານາທິບໍດີ ຢືນຢັນວ່າ: ການພົວພັນມິດຕະພາບທີ່ເປັນມູນເຊື້ອລະຫວ່າງາສອງປະເທດຈະສືບຕໍ່ໄດ້ຮັບການຮັກສາ, ພັດທະນາກ່ວາອີກໃນໄລຍຈະມາເຖິງ. ສອງຝ່າຍຕ້ອງເພີ່ມທະວີການແລກປ່ຽນຄະນະຜູ້ແທນຂັ້ນຕ່າງໆ, ພິເສດແມ່ນຂັ້ນສູງ, ປະຕິບັດບັນດາຂໍ້ຕົກລົງໄດ້ລົນາມແລ້ວ ກໍ່ຄືບັນດາເອກະສານຫາກໍ່ລົງນາມ. ສອງຝ່າຍພຶງພໍໃຈກ່ຽວກັບການສົມທົບກັນຢ່າງແໜ້ນແຟ້ນ ແລະ ມີປະສິດທິຜົນລະຫວ່າງສອງປະເທດທີ່ບັນດາເວທີປາໄສຫຼາຍຝ່າຍ, ພິເສດແມ່ນຢູ່ ສປຊ ແລະ ເຫັນດີເປັນເອກະສັນຈະເພີ່ມທະວີການຮ່ວມມືໃນຂົງເຂດນີ້“.
ເນື່ອງໃນໂອກາດນີ້, ການນຳສອງປະເທດ ເປັນສັກຂິພິຍານພິທີລົງນາມໃນສັນຍາລະຫວ່າງລັດຖະບານໃນຂົງເຂດຮ່ວມມືເສດຖະກິດການຄ້າ ແລະ ວິທະຍາສາດເຕັກນິກ ແລະ ສັນຍາລະຫວ່າງລັດຖະບານກ່ຽວກັບການເກັບພາສີຊ້ອນ.
ຕອນບ່າຍວັນດຽວກັນ, ເມື່ອຕ້ອນຮັບປະທານາທິບໍດີ Ilham Aliyev, ປະທານສະພາແຫ່ງຊາດ ຫງວຽນຊີງຮຸ່ງ ຢືນຢັນວ່າ: ຫວຽດນາມ ຍາມໃດກໍຖືເປັນສຳຄັນການພັດທະນາການພົວພັນກັບບັນດາປະເທດເພື່ອນມິດທີ່ເປັນມູນເຊື້ອ, ໃນນັ້ນ ມີອາແຊກໄບຢານ. ການຢ້ຽມຢາມຂອງປະທານາທິບໍດີ Ilham Aliyev ຄັ້ງນີ້ ຈະສ້າງກຳລັງຫນູນໃຫມ່ໃຫ້ແກ່ການຮ່ວມມືຂະຫຍັນຂັນເຄື່ອນ, ປະສິດທິຜົນລະຫວ່າງສອງປະເທດໃນຫລາຍຂົງເຂດ.