(ພາບປະກອບ)
(vovworld) – “ຕ້ອງເພີ່ມທະວີການເຈລະຈາລະຫວ່າງລັດຖະບານກັບບັນດາຄູ່ຮ່ວມມືພັດທະນາ ເພື່ອສາມາດຮັບໃຊ້ແຫຼ່ງຊ່ວຍເຫຼືອຢ່າງມີປະສິດທິຜົນທີ່ສຸດ” ແມ່ນຂໍ້ສະເໜີແນະ ທີ່ໄດ້ຍົກອອກມາຢູ່ກອງປະຊຸມຕີລາຄາສະພາບຜັນຂະຫຍາຍໝາກຜົນຂອງເວທີປາໄສຄູ່ຮ່ວມມືພັດທະນາຫວຽດນາມ (VDPF), ທີ່ດຳເນີນໃນວັນທີ 23/6, ຢູ່ຮ່າໂນ້ຍ. ເວທີປາໄສຄູ່ຮ່ວມມືພັດທະນາ 2013 ໄດ້ຂີດໝາຍບາດລ້ຽວໃນການສ້າງການເຈລະຈານະໂຍບາຍຂັ້ນສູງລະຫວ່າງລັດຖະບານ ແລະ ບັນດາຄູ່ຮ່ວມມືພັດທະນາ ກ່ຽວກັບບັນດາບັນຫາ ເຊິ່ງປະຊາຊົນເອົາໃຈໃສ່. ພາຍຫຼັງ 1 ກວ່າປີແຫ່ງການຜັນຂະຫຍາຍ, ມາຮອດປະຈຸບັນ, ພາຍໃຕ້ການເປັນເຈົ້າພາບຂອງບັນດາກະຊວງ, ຂະແໜງການ ແລະ ການສົມທົບຂອງບັນດາຄູ່ຮ່ວມມືພັດທະນາ, ບັນດາກຸ່ມປະຕິບັດງານສາມາດບັນລຸໄດ້ບັນດາຜົນງານທີ່ໜ້າຮັບຮູ້: ປະກອບສ່ວນຮັດແຄບຊ່ອງວ່າງລະຫວ່າງຄົນຮັ່ງ - ຄົນທຸກຍາກ, ລະຫວ່ງເຂດພາກ, ພິເສດແມ່ນເຂດຊົນເຜົ່າສ່ວນນ້ອຍລົງ.
ທີ່ກອງປະຊຸມ, ກະຊວງແຜນການ ແລະ ການລົງທຶນ ສະເໜີວ່າ, ໃນສະພາບປ່ຽນແປງແຫຼ່ງທຶນອຸປະຖຳພັດທະນາຢ່າງເປັນທາງການ (ODA), ຄວນກຳນົດບັດດາຄາດໝາຍ ແລະ ຂົງເຂດບຸລິມະສິດໃຫ້ແກ່ການພັດທະນາຊົນເຜົ່າສ່ວນໜ້ອຍ. ລັດຖະບານຄວນເພີ່ມເຕີມກົນໄກ ແລະ ງົບປະມານທຽບເທົ່າໃຫ້ເໝາະສົມ ເພື່ອດຶງດູດພາກເອກະຊົນ ແລະ ບັນດາອົງການບໍ່ຂຶ້ນກັບລັດຖະບານເຂົ້າຮ່ວມໃນຂົງເຂດສະໜອງນ້ຳສະອາດ ແລະ ຮັກສາອະນາໄມສິ່ງແວດລ້ອມຊົນນະບົດຢ່າງແຮງກວ່າ. ໃນການປະຕິບັດຮັກສາສິ່ງແວດລ້ອມ, ຄວນເພີ່ມທະວີການເຈລະຈາລະຫວ່າງລັດຖະບານກັບບັນດາຄູ່ຮ່ວມມືພັດທະນາ. ພ້ອມກັນນັ້ນ, ລັດຖະບັນຕ້ອງມີຄວາມມານະພະຍາຍາມຢ່າງຮອບດ້ານ ແລະ ຈັດແບ່ງງົບປະມານທີ່ຈຳເປັນເພື່ອປະຕິບັດວຽກງານນີ້ຢ່າງມີປະສິດທິຜົນ.