ເພີ່ມທະວີການແລກປ່ຽນດ້ານການຄ້າລະຫວ່າງຫວຽດນາມແລະນອກແວ
ທ່ານ ຫວູຮູຍຮ່ວາງ, ລັດຖະມົນຕີກະຊວງອຸດສາຫະກຳ ແລະ ການຄ້າຫວຽດນາມ
photo:moit.gov.vn
|
(vovworld) - ວັນທີ 19/3 ຢູ່ ຮ່າໂນ້ຍ, ທ່ານ ຫວູຮູຍຮ່ວາງ, ລັດຖະມົນຕີກະຊວງອຸດສາຫະກຳ ແລະ ການຄ້າຫວຽດນາມ ໄດ້ມີການເຈລະຈາກັບທ່ານ Monica Maeland, ລັດຖະມົນຕີກະຊວງອຸດສາຫະກຳ ແລະ ການຄ້າ ນອກແວ ທີ່ພວມຢ້ຽມຢາມແລະ ເຮັດວຽກຢູ່ຫວຽດນາມ. ລັດຖະມົນຕີທັງສອງທ່ານ ໄດ້ແລກປ່ຽນບັນດາບັນຫາທີ່ຕ່າງຝ່າຍຕ່າງມີຄວາມສົນໃຈຄື: ຊຸກຍູ້ການເຈລະຈາສັນຍາການຄ້າເສລີລະຫວ່າງຫວຽດນາມ ແລະ ສະຫະສະມາຄົມການຄ້າເສລີ ເອີລົບ(EFTA) ຊື່ງ ນອກແວ ເປັນສະມາຊິກ, ພັດທະນາການພົວພັນດ້ານເສດຖະກິດ, ການຄ້າ ແລະ ອຸດສາຫະກຳ ລະຫວ່າງຫວຽດນາມ ແລະ ນອກແວ, ຄວາມສາມາດຮ່ວມມືກໍ່ສ້າງເຂື່ອນໄຟຟ້ານຳ້ຕົກຢູ່ ຫວຽດນາມ, ອຸດສາຫະກຳການເດີນທະເລ, ວັກຊີນໃຫ້ແກ່ສິນໃນນຳ້, ຫນູນຊ່ວຍການພັດທະນາອຸດສາຫະກຳສຳຮອງຢູ່ຫວຽດນາມ. ສອງຝ່າຍຢືນຢັນ ຕັດສິນໃຈຍູ້ແຮງຄວາມຄືບຫນ້າການເຈລະຈາສັນຍາການຄ້າເສລີລະຫວ່າງຫວຽດນາມ ແລະ EFTA, ຊ່ວຍວິສາຫະກິດສອງປະເທດ ສາມາດຍາດແຍ່ງທ່າໄດ້ປຽບເພື່ອເພີ່ມເຕີມໃຫ້ກັນ, ແນໃສ່ເພີ່ມທະວີການຮ່ວມມືລົງທຶນລະຫວ່າງສອງຝ່າຍ. ລັດຖະມົນຕີທັງສອງທ່ານປາດຖະຫນາວ່າ ການພົວພັນຮ່ວມມື ແລະ ລົງທຶນລະຫວ່າງສອງປະເທດ ຈະສືບຕໍ່ພັດທະນາ, ເປັນຕົ້ນພາຍຫລັງສັນຍາການຄ້າເສລີໄດ້ຮັບການລົງນາມ.