ເພີ່ມທະວີການໜູນຊ່ວຍ,ສຳຜັດດ້ານນິຕິກຳໃຫ້ແມ່ຍິງຢູ່ຫວຽດນາມ
(ພາບປະກອບ)
(vovworld) - ວັນທີ 7/12, ຢູ່ຮ່າໂນ້ຍ, ອົງການສະຫະປະຊາຊາດກ່ຽວກັບຄວາມສະເໝີພາບລະຫວ່າງຍິງ - ຊາຍ ແລະ ມອບສິດໃຫ້ແກ່ແມ່ຍິງ (UN Women) ໄດ້ສົມທົບກັບກະຊວງຍຸຕິທຳ ຈັດຕັ້ງກອງປະຊຸມສຳມະນາ “ໜູນຊ່ວຍ, ສຳຜັດດ້ານນິຕິກຳໃຫ້ແມ່ຍິງຢູ່ຫວຽດນາມ“. ກ່າວຄວາມເຫັນໄຂກອງປະຊຸມສຳມະນາ, ທ່ານນາງ Shoko Ishikawa, ຫົວໜ້າຜູ້ຕາງໜ້າອົງການສະຫະປະຊາຊາດ ກ່ຽວກັບຄວາມສະເໝີພາບລະຫວ່າງຍິງ - ຊາຍ ແລະ ມອບສິດໃຫ້ແກ່ແມ່ຍິງຢູ່ຫວຽດນາມ ເນັ້ນໜັກວ່າ, ດ້ວຍກົດໝາຍວ່າດ້ວຍການໜູນຊ່ວຍດ້ານນິຕິກຳທີ່ສ້າງຂຶ້ນເມື່ອປີ 2006 ນັ້ນ, ການປັບປຸງກົດໝາຍສະບັບນີ້ ຈະນຳມາເຊິ່ງກາລະໂອກາດຫຼາຍຢ່າງເພື່ອແກ້ໄຂຊ່ອງຫວ່າງໃນກົດໝາຍກ່ຽວກັບເລື່ອງໜູນຊ່ວຍດ້ານນິຕິກຳ. ຈາກນັ້ນ, ສາມາດຍົກສູງຄວາມສາມາດສຳຜັດດ້ານນິຕິກຳໃຫ້ແກ່ແມ່ຍິງຢູ່ຫວຽດນາມ. ຫຼາຍປະເທດ, ໃນນັ້ນມີຫວຽດນາມ ນຳໃຊ້ວິທີການກວດກາຄວາມສາມາດດ້ານການເງິນ ເພື່ອຮັບຮູ້ລະດັບຮັບເອົາການໜູນຊ່ວຍດ້ານນິຕິກຳ.
ທີ່ກອງປະຊຸມສຳມະນາ, ບັນດາຜູ້ແທນ ໄດ້ຊີ້ອອກບັນດາການທ້າທາຍ ແລະ ຂໍ້ສະເໜີເພື່ອຍົກສູງສິດສຳຜັດດ້ານນິຕິກຳຂອງແມ່ຍິງຢູ່ຫວຽດນາມ, ເນັ້ນໜັກເຖິງເລື່ອງນຳໃຊ້ບັນດາມາດຖານສາກົນ, ແບ່ງປັນບົດຮຽນຕົວຈິງຈາກບັນດາໂຄງການທີ່ມີປະສິດທິຜົນຢູ່ໃນໂລກ. ຜູ້ແທນສ່ວນຫຼາຍຖືວ່າ, ຕ້ອງຮັບປະກັນໃຫ້ທຸກຄົນໄດ້ສຳຜັດກັບສານເພື່ອປົກປ້ອງສິດຜົນປະໂຫຍດຂອງຕົນຄື (ສິດກ່ຽວກັບພົນລະເຮືອນ, ການເມືອງ, ເສດຖະກິດ, ສັງຄົມ ຫຼືວັດທະນະທຳ).