(vovworld) - ກະຊວງການເງິນຫາກໍ່ມີເອກະສານຝາກໃຫ້ພະແນກການເງິນບັນດາແຂວງ, ນະຄອນທີ່ຂຶ້ນກັບສູນກາງກ່ຽວກັບເລື່ອງເພີ່ມທະວີວຽກງານຄຸ້ມຄອງ ແລະ ຮັກສາລາຄາໃຫ້ໝັ້ນທ່ຽງ. ລະອຽດຄື, ຕິດຕາມເປັນປະຈຳ, ກຳແໜ້ນສະພາບລາຄາເໜັງຕີງໃນຕະຫຼາດ, ກ່ອນອື່ນໝົດແມ່ນບັນດາປະເພດສິນຄ້າທີ່ຈຳເປັນຄື: ທັນຍາຫານ, ສະບຽງອາຫານ, ຢຸກຢາປິ່ນປົ່ວພະຍາດ, ນົມ, ອາຍແກັດ, ລາຄາຂົນສົ່ງ... , ລາຍງານຕໍ່ຄະນະກຳມະການປະຊາຊົນແຂວງ, ນະຄອນໃນທັນທີເພື່ອມີມາດຕະການເໝາະສົມແນໃສ່ຮັກສາລາຄາໃຫ້ໝັ້ນທ່ຽງຕາມຂໍ້ກຳນົດຂອງກົດໝາຍຢ່າງທັນການ. ຊີ້ນຳບັນດາອົງການ, ສ່ວນບຸກຄົນຜະລິດດຳເນີນທຸລະກິດໃນບໍລິເວນຜະລິດດຳເນີນທຸລະກິດທີ່ນຳໃຊ້ເຊື້ອເພີງຈາກນ້ຳມັນແອັດຊັງ ສຸ້ຊົນດັດປັບເຕັກໂນໂລຢີ, ນຳໃຊ້ທຸກໆມາດຕະການປະຢັດເຊື້ອເພີງ, ຍົກສູງປະສິດທິພາບແຮງງານ... ເພື່ອຫຼຸດລາຄາ, ຈຳກັດຜົນສະທ້ອນຈາກການດັດປັບລາຄາແອັດຊັງເຖິງລາຄາຜະລິດຕະພັນ.