ເພີ່ມທະວີວຽກງານຕິດຕາມກວດກາຂອງສະພາແຫ່ງຊາດສຳລັບການປະຕິຮູບການຈັດຕັ້ງກົງຈັກບໍລິຫານແຫ່ງລັດ
ທ່ານຮອງປະທານສະພາແຫ່ງຊາດ ອວງຈູລືວ
(ພາບ: TTXVN)
(vovworld) – ຕອນບ່າຍວັນທີ 19/11, ຢູ່ ຮ່າໂນ້ຍ, ຄະນະຕິດຕາມກວດກາຂອງສະພາແຫ່ງຊາດກ່ຽວກັບ “ການປະຕິບັດນະໂຍບາຍ, ກົດໝາຍກ່ຽວກັບການປະຕິຮູບການຈັດຕັ້ງກົງຈັກບໍລິຫານແຫ່ງລັດໄລຍະ 2011 - 2016” ໄດ້ຈັດຕັ້ງວາລະປະຊຸມຄັ້ງທີ 1. ທີ່ວາລະປະຊຸມ, ທ່ານ ຫງວຽນແຮ້ງຟຸກ ປະທານຫ້ອງວ່າການສະພາແຫ່ງຊາດ ປະກາດຂໍ້ຕົກລົງສ້າງຕັ້ງຄະນະຕິດຕາມກວດກາຂອງສະພາແຫ່ງຊາດກ່ຽວກັບ “ການປະຕິບັດນະໂຍບາຍ, ກົດໝາຍກ່ຽວກັບການປະຕິຮູບການຈັດຕັ້ງກົງຈັກບໍລິຫານແຫ່ງລັດໄລຍະ 2011 - 2016”. ກ່າວຄຳເຫັນທີ່ວາລະປະຊຸມ, ທ່ານຮອງປະທານສະພາແຫ່ງຊາດ ອວງຈູລືວ ຫົວໜ້າຄະນະຕິດຕາມກວດກາໃຫ້ຮູ້ວ່າ: ຈຸດປະສົງຂອງການຕິດຕາມກວດກາ ເພື່ອແນໃສ່ຕີລາຄາໝາກຜົນວິວັດການປະຕິຮູບການຈັດຕັ້ງກົງຈັກບໍລິຫານແຫ່ງລັດໄລຍະ 2011 – 2016; ສະເໜີບັນດາມາດຕະການ, ຂໍ້ສະເໜີ ເພື່ອແນໃສ່ສຳເລັດນະໂຍບາຍ, ກົດໝາຍ ແລະ ບູລະນະກົນໄກຈັດຕັ້ງກົງຈັກບໍລິຫານແຫ່ງລັດໃນໄລຍະຈະມາເຖິງ.