ເມືອງເກາະຟູກວກ
ພາບ:internet
|
(vovworld)- ຕອນຄ່ຳວັນທີ 15/11, ເມືອງເກາະ ຟູກວກ ຂຶ້ນກັບແຂວງ ກຽນຢາງ ໄດ້ຮັບຂໍ້ຕົກລົງຂອງນາຍົກລັດຖະມົນຕີ ຮັບຮອງເອົາເປັນຕົວເມືອງປະເພດ 2.
ກ່າວຄຳເຫັນນະພິທີມອບຂໍ້ຕົກລົງ, ທ່ານ ຫງວຽນຊວນຟຸກ, ຮອງນາຍົກລັດຖະມົນຕີ ຖືວ່າ: ຟູກວກ ນອນໃນໃຈກາງຂອງເຂດອາຊີຕາເວັນອອກສ່ຽງໃຕ້, ໃນແລວເສດຖະກິດທະເລຫວຽດນາມ-ກຳປູເຈຍ-ໄທ, ຟູກວກ ມີຄວາມສາມາດບົ່ມຊ້ອນຫລາຍຢ່າງກ່ຽວກັບການພັດທະນາເສດຖະກິດ, ເປັນຕົ້ນແມ່ນການທ່ອງທ່ຽວ ແລະ ເສດຖະກິດທະເລ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ຮັບຮູ້ການພັດທະນາກະໂດດຂັ້ນຂອງເມືອງເກາະ, ເປັນຕົ້ນໃນຂົງເຂດການທ່ອງທ່ຽວ, ການລົງທຶນພື້ນຖານໂຄງລ່າງ, ການບໍລິການ ການຄ້າ, ສົມກັບຕົວເມືອງປະເພດ 2. ໃນໄລຍະຈະມາເຖິງ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເຫນີວ່າ:
“ແຂວງ ກຽນຢາງ ຄວນເປັນເຈົ້າການສົມທົບກັບບັນດາກະຊວງ, ຂະແຫນງການຂອງສູນກາງ ສຳຫລວດກວາກາດັດປັບການວາງແຜນຜັງໃຫ້ແກ່ເມືອງເກາະ ຟູກວກ ພ້ອມທັງສຳຫລວດກວດກາສະພາບການຜັນຂະຫຍາຍໂຄງການລົງທຶນຢູ່ເກາະ ເພື່ອມີມາດຕະການເໝາະສົມ. ໃນນັ້ນ ສຸມໃສ່ບັນດາໂຄງການພື້ນຖານໂຄງລ່າງເສດຖະກິດສັງຄົມຮັບປະກັນຄວາມເໝາະສົມກັບຄຳຮຽກຮ້ອງຕ້ອງການການລົງທຶນຢ່າງມີປະສິດທິຜົນ, ມູ່ງໄປເຖິງເຂດທະເລໝູ່ເກາະພັດທະນາແບບຍືນຍົງ, ອະນຸລັກຮັກສາຊັບພະຍາກອນ, ຮັກສາເຂດນິເວດວິທະຍາຊື່ງໄດ້ຮັບການຮັບຮອງຈາກ UNESCO.”