ປະຊາຊົນຊີລີໄປອົບພະຍົບເພື່ອຫຼີກລ້ຽງການປະທະກັນ

     ກ່າວຄຳເຫັນກັບວົງການນັກຂ່າວພາຍຫຼັງການພົບປະກັບປະທານາທິບໍດີ ຕວກກີ Recep Tayyip Erdogan ຢູ່ ອິດສະຕັນບູນ, ທ່ານນາງນາຍົກລັດຖະມົນເຢຍລະມັນ ອານເຊລາ ເມີແຄນ ຖືວ່າສິ່ງສຳຄັນແມ່ນ EU ສືບຕໍ່ຊ່ວຍໜູນຕວກກີໃນການຕໍ່ສູ້ຕ້ານການອົບພະຍົບຢ່າງຜິດກົດໝາຍ. ທ່ານນາງຊີ້ແຈ້ງວ່າ  ທຸກສິ່ງທີ່ ຕວກກີຊ່ວຍໜູນໃຫ້ແກ່ຊາວອົບພະຍົບຊີລີແມ່ນສິ່ງເໜືອທຳມະດາ, ທ່ານນາງເນັ້ນໜັກວ່າການຊ່ວຍໜູນຂອງ ຕວກກີທີ່ມີຕໍ່ບັນຫາຊາວອົບພະຍົບ ແມ່ນຕ້ອງຮັບປະກັນເໜືອກວ່າຂອບເຂດກ່ຽວກັບທຸກສິ່ງທີ່ໄດ້ຕົກລົງນຳກັນ. ທ່ານນາງ ເມີແຄນ ໄດ້ຕີລາຄາສູງຄວາມມານະພະຍາຍາມຂອງ ອານກາຣາ ກ່ຽວກັບການຮອງຮັບຊາວອົບພະຍົບຊີລີ ພ້ອມທັງຮຽກຮ້ອງໃຫ້ປະທານາທິບໍດີຕວກກີ Recep Tayyip Erdogan ຈົ່ງຮ່ວມມືກັນເພື່ອຮັບມືກັບກຳລັງຕາລີບານຢູ່ ອັບການິດສະຖານແນໃສ່ສະກັດກັ້ນວິກິດການຊາວອົບພະຍົບອື່ນໆສຳລັບເອີລົບ.