ທ່ານນາງນາຍົກລັດຖະມົນຕີເຢຍລະມັນ Angela Merkel
ພາບ: datviet
|
(vovworld)- ວັນທີ 27/1, ເຢຍລະມັນ ໄດ້ປະກາດບັນຊີລາຍຊື່ບັນດາປະເທດ ສ່ວນຫລາຍແມ່ນຢູ່ພາກພື້ນ ອາຊີ, ມີແງ່ຫວັງຮ່ວມມືດ້ານການຄ້າກັບ ສະຫະພາບ ເອີລົບ (EU) ແລະ ຖືວ່າ ນີ້ແມ່ນມາດຕະການຊຸກຍູ້ການຄ້າເສລີໃນທົ່ວໂລກ, ໃນສະພາບການອຳນາດການປົກຄອງຂອງປະທານາທິບໍດີ ອາເມລິກາ ຄົນໃຫມ່ Donald Trump ສະຫນັບສະຫນູນລັດທິອາລັກຂາ. ບັນດາປະເທດດັ່ງກ່າວລວມມີ: ຫວຽດນາມ, ອິນໂດເນເຊຍ, ຟິລີບປີນ, ມາເລເຊຍ, ອິນເດຍ, ຈີນ, ສິງກະໂປ, ຍີ່ປຸ່ນ, ໄທ, ມຽນມາ, ອົດສະຕາລີ ແລະ ນິວເຊີແລນ. ໃນເອກະສານສົ່ງເຖິງກອງປະຊຸມລັດຖະມົນຕີການເງິນ EU ຢູ່ ບຣຸກແຊນ ປະເທດ ແບນຊິກ, ເຢຍລະມັນໄດ້ຮຽກຮ້ອງຄະນະກຳມະການເອີລົບ (EC) ເຕົ້າໂຮມຂໍ້ລິເລີ່ມຢ່າງວ່ອງໄວເພື່ອບັນລຸຄວາມຄືບຫນ້າມີລັກສະນະຕັດສິນຊີ້ຂາດໃນບັນດາການເຈລະຈາດ້ານການຄ້າກັບບັນດາປະເທດ. ແບກລີນ ເນັ້ນຫນັກຢ່າງແຮງເຖິງເລື່ອງຄັດຄ້ານລັດທິອາລັກຂາ ແລະ ຮຽກຮ້ອງຊຸກຍູ້ການຄ້າເສລີ ແລະ ການຮ່ວມມືສາກົນ.