ເຢແມນສົ່ງເສີມການສ້າງຕັ້ງລັດຖະບານໃໝ່
ການແຫ່ຂະບວນປະທ້ວງໄດ້ເກີດຂຶ້ນພາຍຫຼັງລັດຖະບານປະກາດລາຄາເຊື້ອໄຟເພີ່ມຂຶ້ນ. (ພາບ: Getty Images)
|
(vovworld)- ວັນທີ 1/11ໂດຍພາຍໃຕ້ການເປັນສັກຂີພິຍານຂອງທູດພິເສດ ສ.ປ.ຊ Jamal Benomar , ບັນດາພັກຝ່າຍການເມືອງໃຫຍ່ຢູ່ ເຢແມນ, ໃນນັ້ນ ມີກຳລັງກະບົດ Houthi ໄດ້ເຊັນຂໍ້ຕົກລົງກັນ, ຕາມນັ້ນແລ້ວ ແມ່ນມອບສິດໃຫ້ປະທານາທິບໍດີ ແລະ ນາຍົກລັດຖະມົນຕີ ສ້າງຕັ້ງລັດຖະບານໃໝ່ ແນໃສ່ບັນເທົ່າຄວາມເຄັ່ງຕຶງດ້ານການເມືອງທີ່ທຳລາຍປະເທດທີ່ທຸກຍາກນີ້. ຖະແຫຼງການໄດ້ຖືກສົ່ງມາຈາກ 13 ພັກຝ່າຍການເມືອງ ໂດຍຊີ້ແຈ້ງວ່າ ທ່ານນາຍົກລັດຖະມົນຕີ ເຢແມນ Khaled bahah ຈະເລືອກເຟັ້ນບັນດາລັດຖະມົນຕີຄົນໃໝ່ໂດຍມີການທາບທາມຄຳເຫັນຂອງປະທານາທິບໍດີ Mansour Hadi . ຕາມຂໍ້ຕົກລົງກັນ, ບັນດາພັກບໍ່ມີຜູ້ຕາງໜ້າໃນອົງການທີ່ປຶກສາຂອງປະທານາທິບໍດີ ແມ່ນຈະໄດ້ຮັບອະນຸຍາດບົ່ງຕົວຜູ້ສະໝັກເລືອກຕັ້ງໃຫ້ແກ່ບັນດາກະຊວງ. ໂດຍອີງໃສ່ພື້ນຖານນັ້ນ, ນາຍົກລັດຖະມົນຕີຈະເລືອກເອົາຜູ້ສະໝັກເລືອກຕັ້ງທີ່ເໝາະສົມໃຫ້ແຕ່ລະຕຳແໜ່ງ.