(vovworld) - ໂດຍສືບຕໍ່ການໄປປະຕິບັດງານຢູ່ແຂວງ ກວາງນິນ, ຕອນເຊົ້າວັນທີ 7/4, ໃນການເຮັດວຽກກັບຄະນະປະຈຳພັກ ແລະ ພະນັກງານຫຼັກແຫຼ່ງຂອງແຂວງ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຍ້ອງຍໍ, ຕີລາຄາສູງເຈດຈຳນົງ ແລະ ຄວາມຕັດສິນໃຈຂອງແຂວງ ໃນການຊອກຫາວິທີບື່ນຕົວຂຶ້ນຢ່າງແຮງນັບແຕ່ກອງປະຊຸມໃຫຍ່ພັກແຂວງຄັ້ງທີ 18 ມາຮອດປະຈຸບັນ:
“ກວາງນິງ ມີບັນຍາກາດເຮັດວຽກໃໝ່ດ້ວຍຄວາມຕັດສິນໃຈໃໝ່ ແລະ ກວາງນິງ ມີຄວາມສາມາດບົ່ມຊ້ອນ, ມີທ່າແຮງ ກໍ່ຄືມີແງ່ຫວັງກ້າວຂຶ້ນ. ດ້ວຍວີທີການເຮັດວຽກລະອຽດກ່ວາ, ໄກ້ຊິດກ່ວາ, ຊອກຫາວິທີເພື່ອບື່ນຕົວຂຶ້ນ. ກວາງນິງ ບໍ່ພຽງແຕ່ສະເໜີວຽກງານຫຼາຍຢ່າງໃຫ້ແກ່ແຂວງຂອງຕົນເທ່ົານັ້ນ ຫາກໃຫ້ທັງທົ່ວປະເທດອີກດ້ວຍ”
ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ເຫັນດີຕໍ່ 9 ໝວດມາດຕະການແກ້ໄຂ ແລະ ບາງໜ້າທີ່ຈຸດສຸມ ເຊິ່ງແຂວງໄດ້ວາງອອກ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ:
“ກວາງນິງ ຕ້ອງສືບຕໍ່ປະຕິບັດການຫັນປ່ຽນໂຄງປະກອບເສດຖະກິດຢ່າງແຮງ ເພື່ອນຳໜ້າທົ່ວປະເທດໃນການປະຕິບັດຈຸດໝາຍຫັນເປັນອຸດສາຫະກຳ ແລະ ທັນສະໄໝ. ແຕ່ຕ້ອງຖືການບໍລິການເປັນຕົ້ນ, ຖັດມາຈຶ່ງແມ່ນອຸດສາຫະກຳ, ກະສິກຳ, ສິນໃນນ້ຳ”
ຕອນບ່າຍວັນທີ 7/4, ເມື່ອໄປຢ້ຽມຢາມກອງບັນຊາການທະຫານປ້ອງກັນຊາຍແດນແຂວງ ກວາງນິນ, ທ່ານເລຂາທິການໃຫຍ່ ຫງວຽນຟູ໋ຈ້ອງ ຫວັງວ່າ: ກຳລັງປ້ອງກັນຊາຍແດນແຂວງ ກວາງນິນ ປະຕິບັດໜ້າທີ່ໃນເຂດທີ່ມີຄວາມສຳຄັນນີ້ເປັນຢ່າງດີ, ປົກປັກຮັກສາອະທິປະໄຕ, ຜືນແຜ່ນດິນອັນຄົບຖ້ວນຢ່າງໝັ້ນຄົງ, ກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ໝັ້ນຄົງ, ສ້າງຄວາມສາມັກຄີລະຫວ່າງທະຫານ ແລະ ປະຊາຊົນ, ເຮັດວຽກງານຂົນຂວາຍປະຊາຊົນ, ວຽກງານພົວພັນຕ່າງປະເທດໃຫ້ດີ.
ກ່ອນໜ້ານັ້ນ, ຕອນບ່າຍວັນທີ 6/4, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ໄປກວດກາສະພາບການປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກ ຢູ່ເມືອງເກາະ ເວີນດົນ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຖືວ່າ: ຄວາມສາມາດບົ່ມຊ້ອນຂອງ ເວີນດົນ ແມ່ນຍັງມີຫຼາຍຢູ່ ແລະ ຄວນເອົາໃຈໃສ່ເປັນພິເສດເຖິງການພັດທະນາເສດຖະກິດທະເລ, ທ່ອງທ່ຽວ, ຮັກສາສິ່ງແວດລ້ອມຊີວະພາບ, ຮັກສາເອກະລາດ, ອະທິປະໄຕແຫ່ງຊາດ.