ເລຂາທິການໃຫຍ່ ຫງວຽນຟູ໋ຈ້ອງ ຢ້ຽມຢາມໂຮງໝໍ ເດັກ ສູນກາງ
(ພາບ: Trí Dũng/TTXVN)
(vovworld) - ເນື່ອງໃນໂອກາດວັນແພດໝໍ ຫວຽດນາມ (27/2), ຕອນເຊົ້າວັນທີ 26/2, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ໄດ້ລົງຢ້ຽມຢາມພະນັກງານ, ແພດໝໍ ໂຮງໝໍ K ສູນກາງ ແລະ ໂຮງໝໍ ເດັກ ສູນກາງ. ເມື່ອໂອ້ລົມ ກັບຖັນແຖວພະນັກງານ, ແພດໝໍ ຂອງ ໂຮງໝໍລົງເລີກຂະແໜງ 2 ແຫ່ງ ອັນດັບໜຶ່ງຂອງທົ່ວປະເທດ, ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ: ວັນແພດໝໍ ຫວຽດນາມ ແມ່ນໂອກາດເພື່ອໃຫ້ທົ່ວສັງຄົມ ແລະ ປະຊາຊົນສະແດງຄວາມເຄົາລົບນັບຖື, ເຊີດຊູ ແລະ ຂອບອົກຂອບໃຈມາຍັງບັນດາພະນັກງານແພດ. ທ່ານເລຂາທິການໃຫຍ່ ຢືນຢັນວ່າ: ຢາກປະຕິບັດວຽກງານກວດກາ, ປິນປົ່ວພະຍາດ, ເບິ່ງແຍງດູແລສຸຂະພາບຂອງປະຊາຊົນ ຕ້ອງມີພື້ນຖານດ້ານວັດຖຸ, ອຸປະກອນ, ຢຸກຢາທີ່ດີ. ແຕ່ວ່າປັດໄຈສຳຄັນທີ່ສຸດ ແລະ ມີຄວາມໝາຍຕັດສິນນັ້ນແມ່ນຕ້ອງມີຖັນແຖວແພດໝໍດີ ເພື່ອນຳໃຊ້, ຂຸດຄົ້ນພື້ນຖານດ້ານວັດຖຸ ແລະ ຢຸກຢາຢ່າງມີປະສິດທິຜົນ. ທ່ານເລຂາທິການໃຫຍ່ ຕັກເຕືອນໃຫ້ພະນັກງານ, ລັດຖະກອນຂອງທ່ົວຂະແໜງສາທາລະນະສຸກຕ້ອງສືບຕໍ່ຍົກສູງຄຸນນະພາບການກວດປົ່ວພະຍາດ ແລະ ຮັບໃຊ້ປະຊາຊົນ, ເຂົ້າຮ່ວມແກ້ໄຂບັນຫາມີຄົນເຈົບເກີນຂອບເຂດຂອງໂຮງໝໍເປັນຢ່າງດີ, ສົມທົບເປັນຢ່າງດີລະຫວ່າງການແພດທັນສະໄໝ ແລະ ການແພດພື້ນເມືອງ . ສຳລັບຖັນແຖວທ່ານໝໍ ຕ້ອງຮຳ່ຮຽນ, ແລກປ່ຽນວິຊາຊີບ ຢ່າງບໍ່ຢຸດຢັ້ງ, ພິເສດແມ່ນບັນດາຄວາມກ້າວໜ້າຂອງສາກົນໃນການປິນປົ່ວພະຍາດ, ມີຈັນຍາບັນດ້ານວິຊາຊີບ ປະຕິບັດຕາມຄຳສັ່ງສອນຂອງປະທານໂຮ່ຈີມິນ “ທ່ານໝໍຄືແມ່ຄີງຂອງຄົນເຈັບ”.