(vovworld) - ຕອນບ່າຍວັນທີ 28/11, ທ່ານ Alberto Anaya Gutierrez, ເລຂາທິການໃຫຍ່ພັກແຮງງານເມຊີກໂກ, ສະມາຊິກສະພາຕໍ່າສະຫະພັນ, ປະທານກຸ່ມສະມາຊິກສະພາມິດຕະພາບເມຊີໂກ - ຫວຽດນາມ ເລີ່ມຕົ້ນການຢ້ຽມຢາມນະຄອນດານັ້ງ. ທີ່ການຕ້ອນຮັບ, ທ່ານເລຂາຄະນະພັກນະຄອນ ຫງວຽນບ໋າແທງ ໄດ້ຕີລາຄາສູງນ້ຳໃຈສາມັກຄີ, ມິດຕະພາບ ແລະ ບັນດາການປະກອບສ່ວນເຊິ່ງພັກແຮງງານເມຊີກໂກ ໄດ້ສະຫງວນໃຫ້ແກ່ປະເທດຊາດ ແລະ ປະຊາຊົນຫວຽດນາມ. ທ່ານເລຂາຄະນະພັກນະຄອນດານັ້ງ ກໍສະແດງຄວາມປາດຖະໜາຢາກຊຸກຍູ້ການພົວພັນຮ່ວມມືລະຫວ່າງດານັ້ງ ກັບ ເມຊີກໂກ ເວົ້າລວມ ແລະ ບັນດາທ້ອງຖິ່ນຂອງເມຊີກໂກ ເວົ້າສະເພາະ ໃນບັນດາຂົງເຂດເສດຖະກິດ, ວິທະຍາສາດ, ເຕັກໂນໂລຊີ ແລະ ວັດທະນະທຳ ໃນໄລຍະຈະມາເຖິງ.