(ທ່ານເລຂາທິການໃຫຍ່ ຫງວຽນຟູ່ຈ້ອງ ກ່າວຄຳເຫັນທີ່
ກອງປະຊຸມໃຫຍຜູ້ແທນອົງຄະນະພັກກອງທັບຊຸດທີ 10)
(vovworld) – ວັນທີ 22/9, ຢູ່ຮ່າໂນ້ຍ, ໄຂກອງປະຊຸມໃຫຍ່ຜູ້ແທນອົງຄະນະພັກກອງທັບຊຸດທີ 10, ໄລຍະ 2015 – 2020ຢ່າງສົມກຽດ. ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ເລຂາຄະນະພັກການທະຫານສູນກາງ ຫງວຽນຟູ່ຈ້ອງ, ທ່ານປະທານປະເທດ ຫວຽດນາມ ເຈືອງເຕີ໋ນຊາງ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ໋ນຢຸງ ເຂົ້າຮ່ວມກອງປະຊຸມໃຫຍ່. ດ້ວຍຫົວຂໍ້ “ ສືບຕໍ່ປ່ຽນໃໝ່, ຍົກສູງຄວາມສາມາດຊີ້ນຳ, ນຳພາ, ກຳລັງສູ້ຮົບ; ກໍ່ສ້າງກອງທັບປະຊາຊົນປະຕິວັດ, ເປັນກອງທັບຫລວງ, ຍອດຢ້ຽມ, ທັນສະໄໝເທື່ອລະກ້າວ; ເປັນແກ່ນສານກໍ່ສ້າງພື້ນຖານປ້ອງກັນຊາດທົ່ວປວງຊົນໃຫ້ໝັ້ນຄົງເຂັ້ມແຂງ. ປ້ອງກັນປະເທດ ຫວຽດນາມ ສັງຄົມນິຍົມໃຫ້ໝັ້ນຄົງ ”, ກອງປະຊຸມໃຫຍ່ອົງຄະນະພັກກອງທັບຊຸດທີ 10 ກຳນົດທິດທາງ, ເປົ້າໝາຍ, ໜ້າທີ່ການທະຫານ, ປ້ອງກັນຊາດ ແລະ ກໍ່ສ້າງອົງຄະນະພັກກອງທັບໄລຍະ 5 ປີ 2015 – 2020.
ກ່າວຄຳເຫັນທີ່ກອງປະຊຸມໃຫຍ່, ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ: ໃນຂົງເຂດປ້ອງກັນຊາດ, ປ້ອງກັນຄວາມສະຫງົບ, ພັກກອມມູນິດ ຫວຽດນາມ ມີແຜນນະໂຍບາຍເສີມຂະຫຍາຍກຳລັງແຮງສັງລວມຂອງທົ່ວປວງຊົນ, ທັງລະບົບການເມືອງເພື່ອປົກປັກຮັກສາເອກະລາດ, ອະທິປະໄຕ, ເອກະພາບຜືນແຜນດິນອັນຄົບຖ້ວນຢ່າງໝັ້ນຄົງເຂັ້ມແຂງ; ປົກປັກຮັກສາພັກ, ລັດ, ປະຊາຊົນ ແລະ ລະບອບສັງຄົມນິຍົມ; ປົກປັກຮັກສາພາລະກິດປ່ຽນໃໝ່, ພາລະກິດຫັນປະເທດຊາດເປັນອຸດສາຫະກຳ ແລະ ທັນສະໄໝ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຢືນຢັນວ່າ:
“ໃນບໍ່ວ່າເງື່ອນໄຂ, ສະພາບການໃດໆ ກອງທັບກໍ່ຕ້ອງຈົ່ງຮັກພັກດີຕໍ່ພັກ, ລັດ, ປະຊາຊົນ ແລະ ລະບອບສັງຄົມນິຍົມຢ່າງເດັດຂາດ. ເປັນເຈົ້າການ, ມີໄຫວພິກໃນການຕໍ່ສູ້ກັບບັນດາທັດສະນະ, ຄວາມຮັບຮູ້ທີ່ຜິດພາດ, ຮັກສາແນວຮົບດ້ານແນວຄິດຂອງພັກໃນກອງທັບໄວ້ຢ່າງໝັ້ນຄົງ, ປະກອບສ່ວນເຮັດໃຫ້ກົມອຸບາຍ “ການຜັນແປສັນຕິພາບ” ຂອງບັນດາອິດທິກຳລັງປໍລະປັນປະລາໄຊ. ບໍ່ໄດ້ລະເມີເຟີ້ຝັນ, ຂາດຄວາມລະມັດລະວັງ ສືບຕໍ່ປະຕິບັດແຜນນະໂຍບາຍຫັນກອງທັບເຮືອ, ກອງທັບປ້ອງກັນອາກາດ - ກອງທັບອາກາດ, ການຮົບເອເລກໂຕນິກ, ສືບສວນດ້ວຍເຕັກນິກ ແລະ ຕຳຫລວດທະເລເປັນທັນສະໄໝໃຫ້ເປັນຢ່າງດີ”.
ທ່ານເລຂາທິການໃຫຍ່ ຫງວຽນຟູ່ຈ້ອງ ສະເໜີອົງຄະນະພັກກອງທັບເປັນເຈົ້າການສົມທົບກັນຢ່າງແໜ້ນແຟ້ນກັບບັນດາສຳນັກງານ, ອົງການຈັດຕັ້ງສູນກາງ ແລະ ຄະນະພັກ, ອຳນາດການປົກຄອງທ້ອງຖິ່ນປັບປຸ່ງພື້ນຖານປ້ອງກັນຊາດທົ່ວປວງຊົນໃຫ້ໝັ້ນຄົງເຂັ້ມແຂງ.
ກອງປະຊຸມໃຫຍ່ຜູ້ແທນອົງຄະນະພັກກອງທັບຊຸດທີ 10 ຈະອັດລົງໃນວັນທີ 24/9.