(vovworld) - ຕອນບ່າຍວັນທີ 13/9, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong ໄດ້ມີການພົບປະເຈລະຈາກັບປະທານພັກເຄື່ອນໄຫວເພື່ອປະຊາຊົນສິງກະໂປ (PAP), ລັດຖະມົນຕີພັດທະນາປະເທດ ທ່ານ Khaw Bun Wan, ໃນຂອບເຂດການຢ້ຽມຢາມ ແລະ ເຮັດວຽກຢູ່ສິງກະໂປ. ທ່ານເລຂາທິການໃຫຍ່ Nguyen Phu Trong ໄດ້ຢືນຢັນນະໂຍບາຍສະເໝີຕົ້ນສະເໝີປາຍຂອງຫວຽດນາມ ແມ່ນ ຍາມໃດຫວຽດນາມ ກໍຖືເປັນສຳຄັນ ແລະ ປາດຖະໜາຢາກເພີ່ມທະວີ, ເປີດກວ້າງສາຍພົວພັນມິດຕະພາບກັບສິງກະໂປ, ນັບທັງບົນພື້ນຖານພົວພັນສອງຝ່າຍ ກໍຄືໃນຂອບເຂດຮ່ວມມືຫຼາຍຝ່າຍ. ພັກກອມມູນິດຫວຽດນາມ ມີແຜນນະໂຍບາຍພັດທະນາ ແລະ ປັບປຸງສາຍພົວພັນກັບບັນດາພັກກຳອຳນາດ ແລະ ບັນດາພັກຝ່າຍອື່ນ ບົນພື້ນຖານຮັບປະກັນຜົນປະໂຫຍດແຫ່ງຊາດ, ຮັກສາຄວາມເປັນເອກະລາດ, ເປັນເຈົ້າຕົນເອງ, ເພື່ອສັນຕິພາບ, ມິດຕະພາບ, ການຮ່ວມມື ແລະ ພັດທະນາ, ໃນນັ້ນຖືການເພີ່ມທະວີການພົວພັນກັບພັກເຄື່ອນໄຫວເພື່ອປະຊາຊົນສິງກະໂປ ເປັນສຳຄັນ. ທີ່ການພົບປະເຈລະຈາ, ການນຳສອງທ່ານໄດ້ເນັ້ນໜັກວ່າ ໃນການພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ - ສິງກະໂປ, ການພົວພັນຮ່ວມມືອັນດີງາມລະຫວ່າງພັກກອມມູນິດຫວຽດນາມ ແລະ ພັກເຄື່ອນໄຫວເພື່ອປະຊາຊົນສິງກະໂປ ຈະໄດ້ຮັບການຍົກສູງຂຶ້ນເປັນການພົວພັນຄູ່ຮ່ວມມືຍຸດທະສາດ, ແມ່ນພື້ນຖານດ້ານການເມືອງທີ່ສຳຄັນ ແລະ ຊຸກຍູ້ການພົວພັນລະຫວ່າງສອງປະເທດ.