(vovworld) – “ງານບຸນດອກສ້ຽວ ແລະ ການສວນສະໜາມວັດທະນະທຳຢູ່ຕາມຖະໜົນ” ແມ່ນບັນດາການເຄື່ອນໄຫວເປີດສາກໃຫ້ສັບປະດາວັດທະນະທຳ - ທ່ອງທ່ຽວແຂວງ ດ້ຽນບຽນ ປີ 2014 ຖືກຈັດຂຶ້ນລະຫວ່າງວັນທີ 13 – 15/3, ຢູ່ແຂວງ ດ້ຽນບຽນ, ເນື່ອງໃນໂອກາດສະເຫຼີມສະຫຼອງ 60 ປີແຫ່ງໄຊຊະນະ ດ້ຽນບຽນຝູ (07/05/1954 - 07/05/2014). ສັບປະດາວັດທະນະທຳ ທ່ອງທ່ຽວ ດ້ຽນບຽນ ປີ 2014 ຖືກຈັດຂຶ້ນຢູ່ສະໜາມຫຼວງສູນກອງປະຊຸມ - ວັດທະນະທຳ ແຂວງ ດ້ຽນບຽນ ແລະ ບັນດາຖະໜົນຢູ່ອ້ອມຂ້າງ.
ໃນຂອບເຂດບັນດາການເຄື່ອນໄຫວເປີດສາກໃຫ້ສັບປະດາວັດທະນະທຳ ທ່ອງທ່ຽວ ດ້ຽນບຽນ 2014, ຕອນເຊົ້າ ວັນທີ 13/3, ຄະນະກຳມະການປະຊາຊົນແຂວງ ດ້ຽນບຽນ ສົມທົບກັບກົມໃຫຍ່ທ່ອງທ່ຽວ ຈັດຕັ້ງກອງປະຊຸມສຳມະນາ “ເສີມຂະຫຍາຍຄຸ້ນຄ່າພິເສດຂອງປູຊະນີຍະສະຖານ ດ້ຽນບຽນຝູ ເພື່ອ ຍູ້ແຮງການພັດທະນາການທ່ອງທ່ຽວ ແຂວງ ດ້ຽນບຽນ ໃນການສຳພັນກັບເຂດ ໄຕບັກ”. ກ່າວຄຳເຫັນໄຂກອງປະຊຸມສຳມະນາ, ທ່ານນາງ ຮ່ວາງທິດ້ຽບ, ຮອງຫົວໜ້າກົມໃຫຍ່ທ່ອງທ່ຽວ, ຢືນຢັນວ່າ:
“ປູຊະນີຍະສະຖານປະຫວັດສາດ ດ້ຽນບຽນຝູ ແມ່ນຊັບພະຍາກອນທ່ອງທ່ຽວວັດທະນະທຳມະນຸດ, ມີຄຸ້ນຄ່າພິເສດສຳລັບການພັດທະນາການທ່ອງທ່ຽວ ບໍ່ພຽງແຕ່ຂອງ ດ້ຽນບຽນ ເທົ່ານັ້ນ ຫາກຍັງສຳລັບທົ່ວປະເທດອີກດ້ວຍ. ເລື່ອງຂຸດຄົ້ນຄຸ້ນຄ່າບັນດາປູຊະນີຍະສະຖານ ບໍ່ພຽງແຕ່ຮັບໃຊ້ໃຫ້ແຂກທ່ອງທ່ຽວມາຢາມ, ຊອກຮູ້ ເທົ່ານັ້ນ ຫາກຍັງມີຄວາມໝາຍສຶກສານ້ຳໃຈຮັກຊາດ, ມູນເຊື້ອປະຕິວັດ, ປະກອບສ່ວນພັດທະນາບຸກຄະລິກກະພາບໃຫ້ຊາວ ຫວຽດນາມ ຫຼາຍລຸ້ນຄົນອີກດ້ວຍ.”
ບັນດາຜູ້ແທນໄດ້ປຶກສາຫາລືມາດຕະການຕ່າງໆເພື່ອເສີມຂະຫຍາຍຄຸ້ນຄ່າພິເສດຂອງປູຊະນີຍະສະຖານປະຫວັດສາດ ດ້ຽນບຽນຝູ, ພິເສດແມ່ນເຊື່ອມຕໍ່ລາຍການທ່ອງທ່ຽວກັບ 7 ແຂວງ ໄຕບັກ ເວົ້າສະເພາະ ແລະ ກັບທົ່ວປະເທດເວົ້າລວມ.
ແລະກໍ່ໃນວັນດຽວກັນ, ຢູ່ນະຄອນ ດ້ຽນບຽນຝູ, ແຂວງ ດ້ຽນບຽນ ໄດ້ດຳເນີນລາຍການແນະນຳບັນດາສິ່ງພິມກ່ຽວກັບວັດທະນະທຳ ແລະ ຊາວ ດ້ຽນບຽນ.