ເລີ່ມຕົ້ນເດືອນເຄື່ອນໄຫວເດືອນເພື່ອຜູ້ທຸກຍາກ (17/10 – 18/11)
(ພາບປະກອບ)
(vovworld)-ຕາມທ່ານ ຫວູຈ້ອງກີມ, ຮອງປະທານ ທັງເປັນເລຂາທິການໃຫຍ່ຄະນະກຳມະການສູນກາງແນວໂຮມປະເທດຊາດຫວຽດນາມແລ້ວ,ເລື່ອງປະຕິບັດການເຄື່ອນໄຫວໃນເດືອນເພື່ອຜູ້ທຸກຍາກ ເພື່ອສ້າງແຫລ່ງກຳລັງຊ່ວຍເຫລືອໃຫ້ແກ່ຜູ້ທຸກຍາກປັບປຸງຊີວິດການເປັນຢູ່, ສົມທົບກັນປະຕິບັດຈຸດໝາຍຮັບປະກັນຊີວິດສັງຄົມ, ປະກອບສ່ວນສຳເລັດຫນ້າທີ່ເສດຖະກິດສັງຄົມ, ການປ້ອງກັນຊາດປ້ອງກັນຄວາມສະຫງົບຂອງທ້ອງຖິ່ນ ແລະ ທົ່ວປະເທດ. ສຳລັບວຽກງານຂົນຂວາຍສະໜັບສະໜູນກອງທຶນ ”ເພື່ອຜູ້ທຸກຍາກ” ແລະ ປະຕິບັດວຽກງານຮັບປະກັນຊີວິດສັງຄົມ, ຄະນະປະຈຳຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ຄະນະຂົນຂວາຍ ”ວັນເພື່ອຜູ້ທຸກຍາກ” ທຸກຂັ້ນ ສົມທົບກັນຂົນຂວາຍບັນດາບໍລິສັດໃຫຍ່, ວິສາຫະກິດ, ນັກທຸລະກິດບໍລິຈາກໃຫ້ກອງທຶນ ”ເພື່ອຜູ້ທຸກຍາກ” ທຸກຂັ້ນ. ຢູ່ບັນດາທ້ອງຖິ່ນ, ອີງໃສ່ສະພາບຕົວຈິງ, ຄະນະປະຈຳຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ຄະນະຂົນຂວາຍ ”ວັນເພື່ອຜູ້ທຸກຍາກ” ທຸກຂັ້ນສ້າງ, ສ້າງ ແລະ ຜັນຂະຫຍາຍແຜນການຈັດຕັ້ງເດືອນເຄື່ອນໄຫວເພື່ອ”ຜູ້ທຸກຍາກ”, ສືບຕໍ່ຂົນຂວາຍການບໍລິຈາກໃຫ້ກອງທຶນ ”ເພື່ອຜູ້ທຸກຍາກ”, ສົມທົບກັນປະຕິບັດບັນດາເນື້ອໃນເບິ່ງແຍງດູແລໃຫ້ຜູ້ທຸກຍາກ.
ເພື່ອມຸ່ງໄປສູ່ຈຸດໝາຍດັ່ງກ່າວ, ໃນພິທີປຸກລະດົມທີ່ຈັດຂຶ້ນຢູ່ແຂວງຕຽນຢາງ, ບັນດາອົງການຈັດຕັ້ງ, ສ່ວນບຸກຄົນ, ວິສາຫະກິດ, ຫົວໜ່ວຍຕ່າງໆ ໄດ້ແຜ່ບໍລິຈາກເງິນກ່ວາ 1,2 ຕື້ດົງ ເພື່ອຊ່ວຍເຫຼືອ ຜູ້ທຸກຍາກ.
ສ່ວນຢູ່ແຂວງ ນິງຖ້ວນ, ຕອນບ່າຍວັນທີ 17/10, ຄະນະກຳມະການແນວໂຮມປະເທດຊາດຫວຽດນາມຂອງແຂວງ ໄດ້ປຸກລະດົມການສະໜັບ ສະໜູນ“ກອງທຶນເພື່ອຜູ້ທຸກຍາກ” ປີ 2013, ມີກ່ວາ 100 ຫົວໜ່ວຍ, ອົງການສຳນັກງານ, ສ່ວນບຸກຄົນ,ວິສາຫະກິດທັງຢູ່ພາຍໃນ ແລະ ຕ່າງແຂວງ ໄດ້ສະໜັບສະໜູນເປັນຈຳນວນເງິນກວ່າ 6,8 ຕື້ດົງ ເພື່ອກໍ່ສ້າງເຮືອນແຫ່ງ ສາມັກຄີໃຫ້ຜູ້ທຸກຍາກ. ບັ້ນປຸກລະດົມການສະໜັບສະໜູນ“ກອງທຶນເພື່ອຜູ້ທຸກຍາກ” ຈະແກ່ຍາວຈົນເຖິງວັນທີ 18/11/2013.