ພິທີເລີ່ມລົງມືກໍ່ສ້າງເສັ້ນທາງດ່ວນ ທາຍງວຽນ- ບັກກ້ານ
ພາບ:chinhphu.vn
|
(vovworld)- ຕອນເຊົ້າວັນທີ 7/9 ຢູ່ ເທດສະບານ ແທນບີງ ເມືອງ ເຈີ້ເມີຍ ແຂວງ ບັກກ້ານ, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ປະກາດຄຳສັ່ັງເລີ່ມລົງມືກໍ່ສ້າງເສັ້ນທາງດ່ວນ ທາຍງວຽນ- ບັກກ້ານ ແລະຍົກລະດັບ, ເປີດກວ້າງທາງຫລວງ ເລກ 3 ໂຄງການດັ່ງກ່າວມີຍອດຈຳນວນເງິນລົງທຶນເກືອບ 2.750 ຕື້ດົງ. ກ່າວຄຳເຫັນນະພິທີ, ທ່ານນາຍົກລັດຖະມົນຕີ ຫງວຽນເຕີນຢູງ ເນັ້ນຫນັກວ່າ:ການລົງທຶນກໍ່ສ້າງພື້ນຖານໂຄງລ່າງ ພິເສດແມ່ນຄົມມະນາຄົມທາງບົກ ແມ່ນຫນຶ່ງໃນບັນດາບາດກ້າວບຸກທະລຸຍຸດທະສາດ ເພື່ອຊຸກຍູ້ການພັດທະນາເສດຖະກິດຢ່າງວ່ອງໄວ, ໝັ້ນຄົງ. ນີ້ແມ່ນກິດຈະກຳມີຄວາມໝາຍຫລາຍດ້ານ ນັບທັງເສດຖະກິດ,ສັງຄົມ, ການປ້ອງກັນຊາດປ້ອງກັນຄວາມສະຫງົບ ບໍ່ພຽງແຕ່ສຳລັບ ທາຍງວຽນ, ບັກກ້ານ ເທົ່ານັ້ນ ຫາກຍັງສຳລັບທັງເຂດພູດອຍພາກເຫນືອ ແລະ ທັງປະເທດຫວຽດນາມອີກດ້ວຍ.