ເວທີປາໄສ ARF 23 ຮັບຮອງເອົາຖະແຫຼງການກ່ຽວກັບການຮ່ວມມື
ລະຫວ່າງບັນດາອົງການປະຕິບັດກົດໝາຍບົນທະເລ
(ພາບສຳນັກຂ່າວສານຫວຽດນາມ)
(vovworld) - ໃນຂອບເຂດກອງປະຊຸມລັດຖະມົນຕີການຕ່າງປະເທດ ອາຊຽນ ແລະ ບັນດາກອງປະຊຸມປີ່ນອ້ອມ, ໃນຕອນບ່າຍວັນທີ 26/07, ຢູ່ຫໍປະຊຸມແຫ່ງຊາດ ລາວ, ໄດ້ດຳເນີນເວທີປາໄສພາກພື້ນ ອາຊຽນ (ARF) ຄັ້ງທີ 23. ຄະນະຜູ້ແທນ ຫວຽດນາມ ໂດຍທ່ານຮອງນາຍົກລັດຖະມົນຕີ ລັດຖະມົນຕີການຕ່າງປະເທດ ຟ້າມບີງມີງ ນຳໜ້າຄະນະຜູ້ແທນເຂົ້າຮ່ວມບັນດາກອງປະຊຸມ. ທີ່ເວທີປາໄສ, ບັນດາລັດຖະມົນຕີເນັ້ນໜັກເຖິງຄວາມສຳຄັນຂອງ ARF ແມ່ນເວທີປາໄສເຈລະຈາກ່ຽວກັບບັນດາບັນຫາດ້ານການເມືອງ - ຄວາມໝັ້ນຄົງທີ່ຂຶ້ນກັບຄວາມສົນໃຈ ແລະ ຜົນປະໂຫຍດລວມຢູ່ ອາຊີ ແລະ ປາຊີຟິກ, ຊຸກຍູ້ການສ້າງຄວາມໄວ້ເນື້ອເຊື່ອໃຈ, ການຮ່ວມມືເພື່ອສັນຕິພາບ, ສະຖຽນລະພາບຢູ່ພາກພື້ນ. ບັນດາລັດຖະມົນຕີຮັບຮູ້ບັນດາໝາກຜົນແຫ່ງການຜັນຂະຫຍາຍແຜນການດຳເນີນງານປະຕິບັດຖະແຫຼງການວິໄສທັດ ARF. ກອງປະຊຸມ ໄດ້ຮັບຮອງເອົາບາງຖະແຫຼງການຂອງບັນດາລັດຖະມົນຕີ ARF, ໃນນັ້ນ ສິ່ງເປັນໜ້າສົນໃຈທີ່ສຸດ ແມ່ນຖະແຫຼງການກ່ຽວກັບເລື່ອງຊຸກຍູ້ການຮ່ວມມືລະຫວ່າງບັນດາອົງການປະຕິບັດກົດໝາຍທະເລຕາມຄຳສະເໜີຂອງ ຫວຽດນາມ ກອງປະຊຸມໄດ້ຮັບຮອງເອົາບັນຊີລາຍຊື່ການເຄື່ອນໄຫວໃຫ້ໄລຍະກາງປີ 2016 – 2017, ໃນນັ້ນ ຫວຽດນາມ ຈະເປັນປະທານຮ່ວມກຸ່ມໜູນຊ່ວຍກາງສະໄໝ ARF ກ່ຽວກັບຄວາມໝັ້ນຄົງ ໃນການເດີນທະເລກັບ ອົດສະຕາລີ ແລະ ສະຫະພາບ ເອີລົບ ໃນອາຍຸການ 2017 – 2020. ກ່ຽວກັບກຳນົດທິດໃນອະນາຄົດ, ບັນດາລັດຖະມົນຕີຢືນຢັນຄຳໝັ້ນສັນຍາຄືນໃໝ່ວ່າ: ຈະສືບຕໍ່ຊຸກຍູ້ບັນດາມາດຕະການສ້າງຄວາມໄວ້ເນື້ອເຊື່ອໃຈ, ພ້ອມທັງພັດທະນາບັນດາມາດຕະການຕ່າງປະເທດທີ່ສະກັດກັ້ນໃຫ້ເໝາະສົມກັບບັນດາຄວາມຕ້ອງການຂອງພາກພື້ນ; ເນັ້ນໜັກເຖິງຄວາມສຳຄັນຂອງຖະແຫຼງການ ຮ່າໂນ້ຍ ປະຕິບັດຖະແຫຼງການວິໄສທັດ ARF ເພື່ອກຳນົດທິດ ARF ແມ່ນເວທີປາໄສຢ່າງແທ້ຈິງ ແລະ ມີລັກສະນະການກະທຳ, ເພີ່ມທະວີການສົມທົບກັນຢ່າງຄົບຊຸດ ແລະ ລັກສະນະໜູນຊ່ວຍກັນລະຫວ່າງ ARF ກັບບັນດາກົນໄກອື່ນໆ ໂດຍ ອາຊຽນ ນຳໜ້າ.