( vovworld ) - ເວທີປາໄສຂັ້ນສູງເຕັກໂນໂລຊີຂໍ້ມູນຂ່າວສານ - ສື່ສານຫວຽດນາມ 2012 ທີ່ມີຫົວຂໍ້ວ່າ “ ເຕັກໂນໂລຊີຂໍ້ມູນຂ່າວສານ - ພື້ນຖານໂຄງລ່າງແຫ່ງຊາດ ” ຖືກໄຂຂຶ້ນໃນຕອນເຊົ້າວັນທີ 26/6 ຢູ່ຮ່າໂນ້ຍ ດ້ວຍການເຂົ້າຮ່ວມຂອງຜູ້ແທນຫວຽດນາມ ແລະ ຕ່າງປະເທດ 500 ທ່ານ. ເວທີປາໄສໄດ້ປຶກສາຫາລືກ່ຽວກັບຍຸດທະສາດຂອງບັນດາມາດຕະການເພື່ອຫັນລະບົບພື້ນຖານໂຄງລ່າງເປັນທັນສະໄໝຕາມທ່າອຽງຂອງໂລກ ແມ່ນກໍ່ສ້າງພື້ນຖານໂຄງລ່າງທີ່ກ້າວໜ້າໂດຍອີ່ງໃສ່ພື້ນຖານການນຳໃຊ້ເຕັກໂນໂລຂໍ້ມູນຂ່າວສານ - ສື່ສານ.
ກ່າວຄຳເຫັນທີ່ເວທີປາໄສ, ທ່ານຮອງນາຍົກລັດຖະມົນຕີຫວຽດນາມ Nguyen Thien Nhan, ຫົວໜ້າຄະນະຊີ້ນຳວຽກງານເຕັກໂນໂລຂໍ້ມູນຂ່າວສານແຫ່ງຊາດ, ຢືນຢັນວ່າ ເຕັກໂນໂລຊີຂໍ້ມູນຂ່າວສານ - ສື່ສານນັບມື້ນັບຢືນຢັນແມ່ນຂະແໜງປາຍແຫຼມຂອງປະເທດຊາດ, ແມ່ນພື້ນຖານສຳຄັນໃນວິວັດທະນາການຫັນປະເທດຊາດເປັນອຸດສາຫະກຳ ແລະ ທັນສາໄໝ. ເພື່ອນຳໃຊ້ເຕັກໂນໂລຊີຂໍ້ມູນຂ່າວສານ ແລະ ສື່ສານໃນການພັດທະນາເສດຖະກິດສັງຄົມໃນໄລຍະທີ່ຈະມາເຖິງຢ່າງມີປະສິດທິຜົນກວ່າອີກ, ທ່ານຮອງນາຍົກລັກຖະມົນຕີ Nguyen Thien Nhan ໄດ້ເນັ້ນໜັກວ່າ.
“ ກ່ອນອື່ນໝົດພວກເຮົາສ້າງຫຼັກສຸດການບຳລຸງສ້າງເທື່ອລະກ້າວ, ສ້າງຖັນແຖວພະນັກງານຄຸ້ມຄອງເຕັກໂນໂລຊີຂ້ໍມູນຂ່າວສານໃຫ້ບັນລຸມາດຕະຖານ. ຕ້ອງຄົ້ນຄວ້າ, ກຳນົດ, ແຕ່ລະຂະແໜງການຕ້ອງມີອັດຕາສ່ວນຜູ້ອອກແຮງງານຂອງຂະແໜງນັ້ນມີ 2 ໃບປະກາດສະນິຍະບັດແມ່ນເທົ່າໃດ. ນັ້ນແມ່ນໃບປະກາດສະນິຍະບັດວິຊາສະເພາະ ແລະ ໃບປະກາດສະນິຍະບັດເຕັກໂນໂລຊີຂໍ້ມູນຂ່າວສານ. ປະຈຸບັນ, ມີບາງກະຊວງໄດ້ມີກົມເຕັກໂນໂລຊີຂໍ້ມູຂ່າວສານ. ໃນໄລຍະຍາວນານ ກະຊວງໃດກໍ່ຕ້ອງມີອົງການຮັບຜິດຊອບກ່ຽວກັບເຕັກໂນໂລຊີຂໍ້ມູນຂ່າວສານຢູ່ກະຊວງຂອງຕົນ, ເພື່ອຊ່ວຍສ້າງແຜນການ, ຜັນຂະຫຍາຍນະໂຍບາຍ ແລະ ແນະນຳການນຳໃຊ້ໃນຂະແໜງຂອງຕົນ ”.