ເວທີປາໄສຄວາມປອດໄພ ແລະ ສຸຂະອະນາໄມຂອງອາຫານປີ2014
ພາບປະກອບ
(vovworld) - ຕອນເຊົ້າວັນທີ 12/11, ຢູ່ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດ ໄດ້ສົມທົບກັບກຸ່ມບັນດານັກອຸປະຖຳຈັດຕັ້ງເວທີປາໄສ “ຄວາມປອດໄພ ແລະ ສຸຂະອະນາໄມຂອງອາຫານ-ມາດຕະການຍົກສູງມູນຄ່າເພີ່ມຂຶ້ນ ແລະ ຄຸນນະພາບຜະລິດຕະພັນກະເສດຫວຽດນາມ”. ບັນດາບົດປະກອບຄວາມເຫັນທີ່ເວທີປາໄສໄດ້ສະເໜີຫຼາຍມາດຕະການຂຸດຄົ້ນຕະຫຼາດ ສຳລັບຜະລິດຕະພັນກະເສດປອດສານພິດ; ກົນໄກ, ນະໂຍບາຍຄຸ້ມຄອງຄຸນນະພາບຄວາມປອດໄພ ແລະ ສຸຂະອະນາໄມຂອງອາຫານ; ການກໍ່ສ້າງລະບົບມູນຄ່າເພີ່ມສຳລັບຜະລິດຕະພັນກະເສດ. ທ່ານລັດຖະ ມົນຕີຊ່ວຍວ່າການກະຊວງກະສິກຳ ແລະ ພັດທະນາຊົນນະບົດເລກວາງແຢງ ເນັ້ນໜັກວ່າ: ການຍົກສູງຄວາມສາມາດແກ່ງແຍ້ງຂອງຜະລິດຕະພັນກະເສດຜ່ານການຍົກສູງຄຸນ ນະພາບ, ເພີ່ມມູນຄ່າ ແລະ ຮັບປະກັນຄວາມປອດໄພ ແລະ ສຸຂະອະນາໄມຂອງອາຫານ ແມ່ນບັນດາມາດຕະການສຳຄັນຮັບປະກັນໃຫ້ການເຕີບໂຕດ້ານກະສິກຳໃນສະພາບຫັນເປັນການຄ້າເສລີ ແລະ ເຊື່ອມໂຍງຢ່າງເລິກເຊິ່ງ, ກ້ວາງຂວາງ ກັບພື້ນຖານເສດຖະກິດທົ່ວໂລກ. ເພື່ອເຮັດໄດ້ສິ່ງດັ່ງກ່າວ, ຕ້ອງມີການປັບປຸງການຈັດຕັ້ງການຜະລິດຄືນໃໝ່, ກຳນົດການຕະຫຼາດຈຳໜ່າຍທີ່ເໝາະສົມ ກັບເປົ້າໝາຍລູກຄ້າ ແລະ ຈຸດປະສົງຂອງການບໍລິໂພກ.