(vovworld) - ກອງປະຊຸມປະຈຳປີຄັ້ງທີ 3 “ເວທີປາໄສຄູ່ຮ່ວມມືເສດຖະກິດ ແລະ ການເງິນອິນເດຍ - ອາເມລິກາ” ຖືກຈັດຂຶ້ນຢູ່ນະຄອນຫຼວງ New Delhi ປະເທດອິນເດຍ. ທີ່ກອງປະຊຸມ, ບັນດາເຈົ້າໜ້າທີ່ອາເມລິກາ ແລະ ອິນເດຍ ໄດ້ປຶກສາຫາລືກ່ຽວກັບບັນດາການເຄື່ອນໄຫວດ້ານເສດຖະກິດ ແລະ ການເງິນໃນໄລຍະມໍ່ໆມານີ້ຢູ່ສອງປະເທດ ແລະ ໃນໂລກ. ສອງຝ່າຍເຫັນດີຍູ້ແຮງການພົວພັນຮ່ວມມືສອງຝ່າຍ ແລະ ຫຼາຍຝ່າຍ, ໃນນັ້ນມີການພົວພັນຮ່ວມມືກັບກຸ່ມບັນດາປະເທດພັດທະນາ ແລະ ຫາກໍ່ພົ້ນເດັ່ນຂຶ້ນ (ຈີ 20) ເພື່ອແນໃສ່ປະກອບສ່ວນນຳພື້ນຖານເສດຖະກິດໂລກຫຼຸດພົ້ນອອກຈາກສະພາບຂາດສະຖຽນລະພາບ, ບັນລຸລະດັບເຕີບໂຕແຮງ, ຮັບປະກັນຄວາມດຸນດ່ຽງ ແລະ ໝັ້ນຄົງ. ສອງຝ່າຍໄດ້ໃຫ້ຄຳໝັ້ນສັນຍາສືບຕໍ່ສ້າງການພົວພັນເສດຖະກິດ, ການເງິນ ໂດຍອີງໃສ່ການປຶກສາຫາລືກ່ອນນີ້, ສຳຫຼວດບັນດາຂົງເຂດໃໝ່ເພື່ອແນໃສ່ເຮັດໃຫ້ການຮ່ວມມືເລິກເຊິ່ງ ແລະ ເປີດກວ້າງກວ່າອີກ; ຢືນຢັນການເປີດກວ້າງການພົວພັນດ້ານການເງິນ ແລະ ເສດຖະກິລະຫວ່າງອາເມລິກາ ແລະ ອິນເດຍຢ່າງວ່ອງໄວ ແມ່ນແກ່ນສານຂອງການພົວພັນຫຼາຍດ້ານ, ອີງໃສ່ບັນດາຄຸນຄ່າພ້ອມກັນແບ່ງປັນ ແລະ ການເຕົ້າໂຮມສິດຜົນປະໂຫຍດທີ່ນັ້ບມື້ນັບເພີ່ມຂຶ້ນ.