(vovworld) – ທີ່ເວທີປາໄສຊາວໜຸ່ມ, ກຳມະກອນຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດຂອງທ່ານປະທານໂຮ່ຈິມິນ ໂດຍສູນກາງຄະນະຊາວໜຸ່ມກອມມູນິດ ໂຮ່ຈິມິນ ຈັດຕັ້ງໃນວັນທີ 26/5, ຢູ່ນະຄອນ ໂຮ່ຈິມິນ, ບັນດາຜູ້ແທນໄດ້ແບ່ງປັນ ກ່ຽວກັບບັນດາຮູບແບບທີ່ດີ, ວິທີເຮັດວຽກທີ່ມີປະສິດທິຜົນ, ບັນດາບົດຮຽນໃນວິວັດການຈັດຕັ້ງການຮຳ່ຮຽນ ແລະ ປະຕິບັດຕາມແນວຄິດ, ແບບຢ່າງຄຸນສົມບັດ, ບຸກຄະລິກກະພາບຂອງທ່ານປະທານໂຮ່ຈິມິນ; ສຸມໃສ່ປຶກສາຫາລືບັນດາເນື້ອໃນ, ມາດຕະການ ເພື່ອແນໃສ່ສ້າງສະພາບແວດລ້ອມກຳລັງໜູນ ເພື່ອໃຫ້ສະມາຊິກຊາວໜຸ່ມ, ໄວໜຸ່ມ, ກຳມະກອນຜັນຂະຫຍາຍການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດຂອງທ່ານປະທານໂຮ່ຈິມິນຢ່າງມີປະສິດທິຜົນ. ອ້າຍ ເລກ໋ວກຟອງ, ເລຂາສູນກາງຄະນະຊາວໜຸ່ມກອມມູນິດ ໂຮ່ຈິມິນ ຖືວ່າ: ໃນຊຸມປີຜ່ານມາ ບັນດາກະຊວງ, ຂະແໜງການໃນທົ່ວປະເທດ ໄດ້ມີຫຼາຍຮູບການຮຳ່ຮຽນ, ມີຫົວຄິດປະດິດສ້າງຊ່ວຍໃຫ້ ສະມາຊິກຊາວໜຸ່ມ, ໄວໜຸ່ມເຂົ້າໃຈແຈ້ງກ່ວາ ກ່ຽວກັບພາລະກິດ, ແນວຄິດ, ແບບຢ່າງຄຸນສົມບັດ, ບຸກຄະລິກກະພາບຂອງທ່ານປະທານໂຮ່ຈິມິນ. ຈາກນັ້ນ, ໄດ້ມີຫຼາຍຮູບແບບທີ່ດີເດັ່ນ, ວີທີເຮັດວຽກທີ່ດີ ຫຼື ຜັນຂະຫຍາຍບັ້ນຂົນຂວາຍ, ບັນດາເນື້ອໃນ ຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດຂອງທ່ານປະທານໂຮ່ຈິມິນ ໃນບັນດາການເຄື່ອນໄຫວອາສາສະໝັກເພື່ອປະຊາຄົມ ໄດ້ດຶງດູດສະມາຊິກຊາວໜຸ່ມ, ໄວໜຸ່ມເຂົ້າຮ່ວມເປັນຈຳນວນຫຼວງຫຼາຍ.