(vovworld) – ເວທີປາໄສພັດທະນາເຂດແຄມທະເລພາກກາງແບບຍືນຍົງໄດ້ຮັບການຈັດຕັ້ງໃນຕອນເຊົ້າວັນທີ 3/6, ຢູ່ນະຄອນ ໂຮ້ຍອານ, ແຂວງ ກວາງນາມ, ໂດຍກະຊວງແຜນການ ແລະ ການລົງທຶນສົມທົບກັບທະນາຄານໂລກ ປະຈຳ ຫວຽດນາມ ຈັດຕັ້ງ. ນີ້ແມ່ນເວທີປາໄສຄັ້ງທຳອິດກ່ຽວກັບການພັດທະນາພາກກາງແບບຍືນຍົງ ໂດຍທ່ານຮອງນາຍົກລັດຖະມົນຕີ ຫງວຽນຊວນຟຸກ ເປັນປະທານ. ທ່ານນາງ Victoria Kwa Kwa, ຜູ້ອຳນວຍການທະນາຄານໂລກປະຈຳ ຫວຽດນາມ, ການນຳບັນດາແຂວງ, ນະຄອນພາກກາງ ເຂົ້າຮ່ວມເວທີປາໄສ. 9 ແຂວງແຄມທະເລພາກກາງແມ່ນເຂດມີຊັບພະຍາກອນທຳມະຊາດທີ່ອຸດົມສົມູບູນ, ມີທ່າແຮງຫຼາຍຢ່າງ. ເພື່ອພັດທະນາແບບຍືນຍົງໃນໄລຍະຈະມາເຖິງ, ບັນດາຜູ້ແທນເຂົ້າຮ່ວມຖືວ່າ: ຄວນໃຫ້ບຸລິມະສິດພັດທະນາພື້ນຖານໂຄງລ່າງ, ບຸລິມະສິດຫລຸດຜ່ອນຄວາມທຸກຍາກແບບຍືນຍົງ, ຮັບມືກັບການປ່ຽນແປງຂອງດິນຟ້າອາກາດ, ຫລຸດຜ່ອນໄພພິບັດທຳມະສາດ.... ກ່າວຄຳເຫັນນະທີ່ນີ້, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ ບັນດາແຂວງພາກກາງ ຄວນຮ່ວມມືພັດທະນາພື້ນຖານໂຄງລ່າງ, ບຳລຸງສ້າງແຫຼ່ງຊັບພະຍາກອນ ແລະ ການຮ່ວມມືປ້ອງກັນ, ຕ້ານໄພພິບັດທຳມະຊາດ:
“ບັນດາທ້ອງຖິ່ນຕ້ອງສ້າງແຜນການກຳນົດໃຫ້ສົມບູນແບບ ຕິດພັນການວາງແຜນກຳນົດສັງລວມເຂດ, ສ້າງການຮ່ວມສຳພັນຢ່າງແໜ້ນແຟ້ນກ່ຽວກັບສະພາບແວດລ້ອມເສດຖະກິດ, ຍົກອອກບັນດາມາດຕະການລະອຽດຮັບມືກັບການປ່ຽນແປງຂອງດິນຟ້າອາກາດ, ໄພພິບັດທຳມະຊາດ, ໄພນ້ຳຖ້ວມ ແລະ ປົກປັກຮັກສາສິ່ງແວດລ້ອມ ຕິດພັນກັບບັນດາຍຸດທະສາດ, ໂຄງການຈຸດໝາຍແຫ່ງຊາດ. ບັນຫາບຳລຸງສ້າງແຫຼ່ງຊັບພະຍາກອນມະນຸດຕ້ອງໄດ້ຮັບຄວາມເອົາໃຈໃສ່ເພື່ອຕອບສະໜອງຄວາມຮຽກຮ້ອງພັດທະນາ, ພິເສດແມ່ນແຫຼ່ງຊັບພະຍາກອນມະນຸດມີຄຸນນະພາບສູງ. ນີ້ກໍ່ແມ່ນບັນຫາຫຍຸ້ງຍາກ ແຕ່ຮີບດ່ວນຂອງເຂດ, ຕ້ອງໄດ້ຮັບຄວາມເອົາໃຈໃສ່ພິເສດ”
ກ່ຽວກັບເລື່ອງ ຈີນ ຕັ້ງຮ້ານເຈາະນ້ຳມັນ ໄຮຢາງ - 981 ຢ່າງຜິດກົດໝາຍຢູ່ເຂດນ່ານທະເລ ຫວຽດນາມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຢັ້ງຢືນວ່າ: ຫວຽດນາມ ເດັດດຽວປະຕິບັດບັນດາມາດຕະການສັນຕິພາບເພື່ອແກ້ໄຂຄວາມເຄັ່ງຕຶງ. ປະຈຸບັນ, ຄວາມສະຫງົບຂອງຊາວປະມົງພາກກາງພວມຖືກນາບຂູ່ຢ່າງຮ້າຍແຮງ. ສິ່ງດັ່ງກ່າວວາງອອກໃຫ້ການພັດທະນາເສດຖະກິດທະເລຢູ່ ພາກກາງທັງສວມບົດບາດສຳຄັນໃນການພັດທະນາເຂດແຄມທະເລພາກກາງແບບຍືນຍົງ, ທັງປະຕິບັດຍຸດທະສາດພັດທະນາເສດຖະກິດຕິດພັນກັບການປ້ອງກັນຊາດ ແລະ ຫລຸດຜ່ອນຄວາມທຸກຍາກແບບຍືນຍົງ.