(vovworld) – ວັນທີ 19/8, ເວທີປາໄສການລົງທຶນ ອາຊຽນ ຄັ້ງທີ 3 ໄດ້ຈັດຕັ້ງຢູ່ນະຄອນຫຼວງ Bandar Seri Begawan, ປະເທດ ບຣູໄນ ດ້ວຍການເຂົ້າຮ່ວມຂອງບັນດາຜູ້ນຳໜ້າອົງການລົງທຶນບັນດາປະເທດສະມາຊິກ (AHIA). ແຈ້ງຂ່າວໃນວັນດຽວກັນຂອງຄະນະເລຂາ ອາຊຽນ ໃຫ້ຮູ້ວ່າ: ນອກຈາກສຸມໃສ່ເຂົ້າບັນຫາລະບົບສະໜອງ ອາຊຽນ ເປັນຕົ້ນ, ເວທີປາໄສປີນີ້ຍັງປຶກສາຫາລື ກ່ຽວກັບບົດບາດຂອງ ອາຊຽນ ໃນລະບົບຄຸນຄ່າ ກໍ່ຄືເຮັດແນວໃດເພື່ອໃຫ້ອາຊຽນ ອາດຈະເພີ່ມທະວີ ແລະ ເປີດກ້ວາງທີ່ຕັ້ງບົດບາດຂອງຕົນລະບົບສະໜອງທົ່ວໂລກ.
ແລະກໍ່ໃນວັນດຽວກັນ, ຢູ່ Bandar Seri Begawan, ຜູ້ຕາງໜ້າ 16 ປະເທດພາກພື້ນ ອາຊີ - ປາຊີຟິກ ກໍ່ເລີ່ມຕົ້ນການເຈລະຈາຂັ້ນລັດຖະມົນຕີຄັ້ງທຳອິດ, ມຸ້ງໄປເຖິງການສ້າງຕັ້ງ 1 ໃນບັນດາກຸ່ມການຄ້າເສລີໃຫຍ່ກ່ວາໝູ່ຂອງໂລກ. ຄາດວ່າ, ລັດຖະມົນຕີ 10 ປະເທດສະມາຊິກ ອາຊຽນ ແລະ 6 ປະເທດຄູ່ຮ່ວມມືພາກພື້ນລວມມີ: ຈີນ, ຍີ່ປຸ່ນ, ສ ເກົາຫຼີ, ອິນເດຍ, ອົດສະຕາລີ ແລະ ນິວຊີແລນ, ຈະປຶກສາຫາລືບັນດາວິທີສົ່ງເສີມການເຈະລຈາຄັ້ງຕ່າງໆກ່ຽວກັບການຫລຸດຜ່ອນ ແລະ ລົບລ້າງຮົ້ວກີດຂວາງດ້ານພາສີໃນຂອບເຂດການພົວພັນຄູ່ຮ່ວມມືເສດຖະກິດຮອບດ້ານພາກພື້ນ(RCEF).