ເວທີປາໄສສົ່ງເສີມການລົງທຶນເຂົ້າເຂດເສດຖະກິດງີເຊີນແລະເຂດໃກ້ຄຽງ
ທ່ານຮອງນາຍົກລັດຖະມົນຕີ ຫງວຽນຊວນຟຸກ
ກ່າວຄຳເຫັນຊີ້ນຳເວທີປາໄສ
ພາບ:internet
|
(vovworld)-ວັນທີ 23/10, ຢູ່ ນະຄອນ ແທງຮວາ, ກະຊວງແຜນການ ແລະ ການລົງທຶນ ສົມທົບກັບຄະນະກຳມະການປະຊາຊົນແຂວງ ແທງຮວາ ຈັດຕັ້ງເວທີປາໄສສົ່ງເສີມການລົງທຶນເຂົ້າເສດຖະກິດ ງີເຊີນ ແລະ ເຂດໃກ້ຄຽງ. ກ່າວຄຳເຫັນຊີ້ນຳເວທີປາໄສ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ເນັ້ນຫນັກວ່າ: ແຂວງ ແທງຮວາ ຄວນລະດົມບັນດາແຫລ່ງກຳລັງສັງຄົມເພື່ອລົງທຶນພັດທະນາພື້ນຖານໂຄງລ່າງຢ່າງຄົບຊຸດ, ທັນສະໄຫມ. ແຂວງ ແທງຮວາ ຄວນເພີ່ມທະວີການສົມທົບຜັນຂະຫຍາຍກັນປະຕິບັດບັນດາ ແຜນກຳນົດຢ່າງມີປະສິດທິຜົນ, ມີສຽງເວົ້າລວມເພື່ອສືບຕໍ່ດຶງດູດການລົງທຶນ. ຄຽງຄູ່ກັນນັ້ນ ແຂວງແທງຮວາ ຄວນເອົາໃຈໃສ່ເຖິງສິ່ງແວດລ້ອມ ແລະ ຮັບປະກັນຊີວິດສັງຄົມ, ລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ພິເສດຢູ່ເຂດທາງທິດຕາເວັນຕົກແຂວງແທງຮວາ, ຍູ້ແຮງການຮ່ວມມືພົວພັນແລກປ່ຽນການຄ້າກັບບັນດາເຂດຊາຍແດນຕິດກັບລາວ, ຜັນຂະຫຍາຍບັນດາກົນໄກ, ນະໂຍບາຍດຶງດູດການລົງທຶນພັດທະນາຢ່າງຄົບຊຸດ, ມີປະສິດທິຜົນ, ສ້າງເງື່ອນໄຂພັດທະນາການຄ້າລະຫວ່າງບັນດາປະເທດອາຊຽນ.