ເວທີປາໄສເຕັກໂນໂລຢີຂໍ້ມູນຂ່າວສານ ແລະ ສື່ສານຫວຽດນາມ 2015
ທ່ານເຈືອງຢາບິ່ງ, ປະທານ VINASA ກ່າວຄວາມເຫັນທີ່ການປະຊຸມຂ່າວ
(ພາບ: A.T)
(vovworld) - ດ້ວຍຫົວຂໍ້ວ່າ “ເຕັກໂນໂລຢີຂໍ້ມູນຂ່າວສານ ແລະ ການຄຸ້ມຄອງແບບສະຫຼາດ“,ເວທີປາໄສເຕັກໂນໂລຢີຂໍ້ມູນຂ່າວສານ (ໄອທີ) ແລະ ສື່ສານຫວຽດນາມ 2015 ໄດ້ແລກປ່ຽນ, ປຶກສາຫາລືກ່ຽວກັບທ່າອ່ຽງ, ຍຸດທະສາດ ແລະ ບັນດາມາດຕະການເພື່ອນຳໃຊ້ໄອທີໃນການຄຸ້ມຄອງບັນດາຂະແໜງ, ຂົງເຂດຂອງຊີວິດສັງຄົມ. ພິເສດ, ເວທີປາໄສຈະເຕື້ອງເຖິງບາງຂະແໜງ, ຂົງເຂດພວມເປັນຄວາມສົນໃຈອັນດັບໜຶ່ງຂອງລັດຖະບານ, ບັນດາອົງການຄຸ້ມຄອງລັດ, ບັນດາວິສາຫະກິດ ແລະ ປະຊາຄົມສັງຄົມເຊັ່ນ: ການບໍລິການຂອງລັດ, ສາທາລະນະສຸກ, ການປະກັນໄພ, ການຄົມມະນາຄົມ, ຕົວເມືອງ ແລະ ແຫຼ່ງຊັບພະຍາກອນໄອທີ… ຢູ່ນອກເວທີປາໄສຍັງມີການເຄື່ອນໄຫວພົບປະແລກປ່ຽນ, ການເຊື່ອມຕໍ່ການຮ່ວມມືດຳເນີນທຸລະກິດ, ສ້າງກາລະໂອກາດທີ່ດີເພື່ອໃຫ້ບັນດາວິສາຫະກິດໄອທີ ແລະ ບັນດາອົງການ, ວິສາຫະກິດທີ່ໝູນໃຊ້ໄອທີພົວພັນແລກປ່ຽນ, ຊອກຫາກາລະໂອກາດຮ່ວມມື, ດຳເນີນທຸລະກິດ.