ປະທານາທິບໍດີ Hugo Chavez
(ພາບ:ອິນເຕີແນັດ)
(vovworld) - ສຳນັກຂ່າວສານ AFP ຂອງຝະລັ່ງ ໄດ້ຄັດສະເໜີແຫຼ່ງຂ່າວຈາກສານຍຸດຕິທຳສູງສຸດເວເນຊູເອລາ (TSJ) ເມື່ອວັນທີ 18/2 ໂດຍໃຫ້ຮູ້ວ່າ: TSJ ໄດ້ກຽມພ້ອມເພື່ອດຳເນີນພິທີສາບານຕົວຮັບດຳລົງຕຳແໜ່ງອາຍຸການ 2013-2019 ໃຫ້ແກ່ປະທານາທິບໍດີ Hugo Chavez ໃນບໍ່ວ່າໄລຍະເວລາໃດ, ພາຍຫຼັງທີ່ການນຳຝ່າຍຊ້າຍຜູ້ນີ້ ອອກຈາກກູຍບາ ເດີນທາງກັບຄືນເມືອປະເທດເມື່ອຕອນເຊົ້າວັນທີ 18/2 ເພື່ອສືບຕໍ່ວິວັດການປິ່ນປົວພະຍາດຢູ່ພາຍໃນປະເທດ. ຕາມ TSJ ແລ້ວ, ທຸກວຽກງານໃນພິທີດັ່ງກ່າວໄດ້ກຽມພ້ອມແລ້ວ, ພຽງແຕ່ລໍຖ້າຄຳຕັດສິນຂອງປະທານາທິບໍດີ Hugo Chavez ແລະ ຖັນແຖວແພດໝໍກ່ຽວກັບຈຸດເວລາໃດທີ່ເໝາະສົມ ແລະ ພິທີຈະຖືກຈັດຂຶ້ນແບບປິດລັບ ຫຼືເປີດເຜີຍເທົ່ານັ້ນ.
ພາຍຫລັງໄດ້ຮັບການເລືອກຕັ້ງເປັນປະທານາທິບໍດີຄືນໃໝ່ໃນວັນທີ 7/10/2012, ປະທານາທິບໍດີ Hugo Chavez ຕ້ອງທຳການຜ່າຕັດໂລກມະເລັງໂດຍບັງເອີນເມື່ອກາງເດືອນ 12/2012 ຢູ່ກູບາ ແລະ ສຸຂະພາບຂອງທ່ານບໍ່ທັນຟື້ນຟູເພື່ອສາມາດກັບຄືນເມືອປະເທດດຳເນີນພິທີສາບານຕົວດຳລົງຕຳແໜ່ງໃນວັນທີ 10/1/2013 ຕາມຂໍ້ກຳນົດຂອງລັດຖະທຳມະນູນເວເນຊູເອລາໄດ້.