ເສັ້ນທາງຫວໍ້ວັນກຽດ-ກິດຈະກຳນຳໃຊ້ແຫຼ່ງທຶນຕ່າງປະເທດ
(ພາບ:baomoi.com)
(VOV)- ດ້ວຍຫົວຂໍ້ “ສ້າງພື້ນຖານໃຫ້ແກ່ການພັດທະນາແບບຍືນຍົງ“, ກອງປະຊຸມກຸ່ມບັນດທີ່ປຶກສາບັນດານັກອຸປະຖຳໃຫ້ແກ່ຫວຽດນາມ 2012 (CG 2012) ໄດ້ໄຂຂຶ້ນໃນຕອນເຊົ້າວັນທີ 10/12 ຢູ່ຮ່າໂນ້ຍ. ໂດຍມີການເຂົ້າຮ່ວມຂອງທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢຸງ; ທ່ານນາງ Victoria Kwakwa ຜູ້ອຳນວຍການທະນາຄານໂລກປະຈຳຫວຽດນາມ ພ້ອມກັບຜູ້ຕາງໜ້າບັນດາກະຊວງ, ຂະແໜງການຂອງຫວຽດນາມ. ບັນດາທ່ານເອກອັກຄະລັດຖະທູດ ແລະ ຜູ້ຕາງໜ້າບັນດາອົງການຈັດຕັ້ງສາກົນປະຈຳຫວຽດນາມ.
ກ່າວຄຳເຫັນໄຂກອງປະຊຸມ, ທ່ານບູ່ຍກວາງວີງ, ລັດຖະມົນຕີກະຊວງແຜນການ ແລະ ການລົງທຶນຫວຽດນາມ ຖືວ່າ: ກ້າວເຂົ້າສູ່ປີ 2013, ຊື່ງແມ່ນປີບານພັບໃນການປະຕິບັດແຜນການພັດທະນາເສດຖະກິດສັງຄົມໃນໄລຍະ 5 ປີ (2011-2015), ຫວຽດນາມສືບຕໍ່ວາງເປົ້າໝາຍຈຸດສຸມເຂົ້າໃນການເພີ່ມທະວີການຮັກສາພື້ນຖານເສດຖະກິດມະຫາພາກເປັນປົກກະຕິ, ຫລຸດຜ່ອນໄພເງິນເຟີ້, ບັນລຸລະດັບເຕີບໂຕສູງກ່ວາປີ 2012, ຍູ້ແຮງການປະຕິບັດ 3 ບຸກທະລຸຍຸດທະສາດຕິດພັນກັບການສ້າງໂຄງປະກອບພື້ນຖານເສດຖະກິດຄືນໃໝ່, ຫັນປ່ຽນຮູບແບບເຕີບໂຕ, ສ້າງພື້ນຖານພັດທະນາຢ່າງໝັ້ນຄົງກ່ວາໃນຊຸມປີຕໍ່ໄປ:
“ຫວຽດນາມ ປາດຖະໜາວ່າປະຊາຄົມນັກອຸປະຖຳສາກົນສືບຕໍ່ເອົາໃຈໃສ່ໜູນຊ່ວຍຫວຽດນາມ ຍ້ອນວ່ານີ້ຍັງແມ່ນແຫຼ່ງທຶນສຳຄັນໃຫ້ແກ່ພາລະກິດລົບລ້າງຄວາມອຶດຫິວຫລຸດຜ່ອນຄວາມທຸກຍາກ ແລະ ການລົງທຶນພັດທະນາ. ພວກຂ້າພະເຈົ້າໃຫ້ຄຳໝັ້ນໝາຍຈະສືບຕໍ່ສົມທົບ, ຮ່ວມມືຢ່າງແໜ້ນແຟ້ນກັບບັນດານັກອຸປະຖຳເພື່ອປັບປຸງສະພາບປະຕິບັດໂຄງການ ແລະ ຍົກສູງປະສິທິຜົນການນຳໃຊ້ແຫຼ່ງທຶນ ODA, ປັບປຸງຮູບການເຈລະຈາໃຫ້ມີປະສິດທິຜົນກ່ວາ“.
ທ່ານນາງVictoria Kwakwa ຜູ້ອຳນວຍການທະນາຄານໂລກປະຈຳຫວຽດນາມ ໄດ້ຕີລາຄາສູງຄວາມເປັນປົກກະຕິຂອງພື້ນຖານເສດຖະກິດຫວຽດນາມ ໃນປີ 2012 ແລະ ຖືວ່າ, ໃນປີ 2013, ຫວຽດນາມ ຕ້ອງມີບັນດາການກະທຳຢ່າງແຮງ, ຂ້ຽວຂາດກ່ວາອີກເພື່ອຫລຸດພົ້ນອອກຈາກປະເທດທີ່ມີລາຍຮັບປານກາງ, ກໍ່ຜົນສະທອ້ນເຖິງບັນດາຜົນງານດ້ານຄວາມຍຸດຕິທຳ ແລະ ຄວາມກ້າວໜ້າໃນສັງຄົມ:
“ພວກເຮົາຕ້ອງມີຄວາມຕັດສິນໃຈ, ມີຄຳໝັ້ນໝາຍດ້ານການເມືອງຢ່າງແຮງ, ມີບັນດາການກະທຳລະອຽດ, ພິເສດແມ່ນຕິດແທດກັບບັນດານະໂຍບາຍຫວ່າງມໍ່ໆມານີ້ຂອງລັດຖະບານ ຈຶ່ງຈະຍາດໄດ້ບັນດາຜົນງານ. ພວກເຮົາຕ້ອງມີຄວາມໄວ້ເນື້ອເຊື່ອໃຈຕໍ່ຄວາມມານະພະຍາຍາມຂອງລັດຖະບານ ແລະ ຜົນສຳເລັດຂອງລັດຖະບານ. ສະນັ້ນ, ໃນຖານະບົດບາດແມ່ນບັນດາຄູ່ຮ່ວມມືພັດທະນາ, ພວກຂ້າພະເຈົ້າຈະສືບຕໍ່ສະໜັບສະໜູນຫວຽດນາມ ເພື່ອຍົກອອກບັນດາແຜນການໂດຍຜ່ານວິວັດການປະຕິບັດບັນດານະໂຍບາຍຢ່າງມີປະສິດທິຜົນ“.