(ພາບປະກອບ)
(vovworld) - ບົດລາຍງານເສດຖະກິດປະຈຳປີ ເສດຖະກິດ ຫວຽດນາມ 2016 ດ້ວຍຫົວຂໍ້ວ່າ: ສ້າງພື້ນຖານເຕີບໂຕໃໝ່ ໂດຍສະຖາບັນຄົ້ນຄວ້າເສດຖະກິດ ແລະ ນະໂຍບາຍ (VERP) ປະກາດໃນຕອນເຊົ້າວັນທີ 10/05, ໃຫ້ເຫັນວ່າ ເສດຖະກິດ ຫວຽດນາມ ສະແດງໃຫ້ເຫັນບັນດາການຜັນແປຢ່າງຕັ້ງໜ້າໃນໄລຍະ 2 ປີມານີ້. ທ່າອ່ຽງຕັ້ງໜ້າ ຍັງຄົງແມ່ນປັດໃຈຕົ້ນຕໍໃນປີ 2016, ກໍ່ຄືໃນໄລຍະກາງ 2016 – 2020. ພ້ອມກັນນັ້ນ ໄລຍະພັດທະນາເສດຖະກິດ 2016 – 2020 ກໍ່ຈະມີຄວາມສະດວກ ມີລັກສະນະພື້ນຖານໃຫ້ແກ່ການເຕີບໂຕເສດຖະກິດ. ພົ້ນເດັ່ນທີ່ສຸດ ແມ່ນບັນດາກຳລັງໜູນເຕີບໂຕໃໝ່ໃຫ້ແກ່ເສດຖະກິດ ໂດຍວິວັດແຫ່ງການເຊື່ອມໂຍງເສດຖະກິດນຳມາໃຫ້. ບັນດາສັນຍາການຄ້າເສລີລຸ້ນໃໝ່ຄື: ສັນຍາຄູ່ຮ່ວມມືຂ້າມປາຊີຟິກ (TPP), ສັນຍາການຄ້າ ຫວຽດນາມ - ອີຢູ (EVFTA) ແລະ ປະຊາຄົມເສດຖະກິດ ອາຊຽນ (AEC) ພວມສ້າງການປ່ຽນແປງກ່ຽວກັບສະພາບແວດລ້ອມແຫ່ງການດຳເນີນທຸລະກິດຢ່າງສະດວກກ່ວາ ໃຫ້ພາກພື້ນເສດຖະກິດພາກເອກະຊົນພາຍໃນປະເທດ ແລະ ພາກພື້ນທີ່ມີທຶນຂອງຕ່າງປະເທດພັດທະນາ. ພິເສດ ພ້ອມກັບສະພາບແວດລ້ອມແຫ່ງການດຳເນີນທຸລະກິດທີ່ດີກ່ວາ ແລະ ຮົ້ວພາສີເຖິງບັນດາຕະຫລາດໃຊ້ສອຍຕົ້ນຕໍຂອງໂລກໄດ້ຮັບການຍົກເວັ້ນ ແລະ ຄາດຄະເນວ່າ ແຫຼ່ງທຶນຈາກຕ່າງປະເທດຈະເພີ່ມຂຶ້ນຫລາຍ.