ທ່ານ ຫງວຽນທ້ຽນເຍີນ ປະທານຄະນະກຳມະການ
ສູນກາງແນວໂຮມປະເທດຊາດ ຫວຽດນາມ
(vovworld) – ເມື່ອຕອບສຳພາດຕໍ່ນັກຂ່າວເນື່ອງໃນໂອກາດປີໃໝ່ 2017, ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ກ່າວວ່າ: “ເສີມຂະຫຍາຍກຳລັງແຮງມະຫາສາມັກຄີຈາກນ້ຳໃຈຮັກຊາດ” ແມ່ນໜຶ່ງໃນບັນດາໜ້າທີ່ ເຊິ່ງ ແນວໂຮມປະເທດຊາດ ສຸມໃສ່ຜັນຂະຫຍາຍໃນໄລຍະຈະມາເຖິງ. ຕາມທ່ານ ຫງວຽນທ້ຽນເຍີນ ແລ້ວ, ພາລະກຳຂອງແນວໂຮມປະເທດຊາດ ຫວຽດນາມ ຜ່ານໄລຍະຕ່າງໆແມ່ນຮ່ວມເດີນທາງ, ໄວ້ເນື້ອເຊື່ອໃຈຕໍ່ແນວທາງຂອງພັກ, ປະກອບສ່ວນກໍ່ສ້າງພັກ, ອຳນາດການປົກຄອງປອດໄສ, ໝັ້ນຄົງເຂັ້ມແຂງ, ເສີມຂະຫຍາຍຈິດໃຈຫົວຄິດປະດິດສ້າງ, ເປັນເຈົ້າການຂອງປະຊາຊົນ ສຳເລັດພາລະກຳມະຫາສາມັກຄີ. ແນວໂຮມປະເທດຊາດ ໄດ້ວາງອອກລາຍການເຄື່ອນໄຫວຫລາຍຢ່າງ, ໃນນັ້ນ ສຸມໃສ່ເລ່ືອງຮັບເອົາ, ເສີມຂະຫຍາຍບັນດາຮູບແບບ, ວິທີການ ເຊິ່ງໄດ້ຮັບການປະຕິບັດໃນໄລຍະຜ່ານມາ, ເນັ້ນໜັກເຖິງຄວາມຮຽກຮ້ອງເປັນເຈົ້າການ, ປ່ຽນໃໝ່ຂອງແນວໂຮມ ແລະ ບັນດາອົງການຈັດຕັ້ງພາຄີ, ກຳແໜ້ນມະຕິໃໝ່ຂອງພັກ ເພື່ອເສີມຂະຫຍາຍມະຫາສາມັກຄີ. ແນວໂຮມປະເທດຊາດ ຫວຽດນາມ ແລະ ບັນດາອົງການຈັດຕັ້ງຮັບຟັງຄວາມເຫັນຂອງປະຊາຊົນ, ພາຍໃຕ້ການຕິດຕາມກວດກາ, ຕີລາຄາຈາກປະຊາຊົນ.
ກ່ຽວກັບບົດບາດຂອງແນວໂຮມປະເທດຊາດ ຫວຽດນາມ ໃນເລື່ອງຮັບປະກັນການເຊື່ອມຕໍ່, ສາມັກຄີບັນດາສາສະໜາ, ທ່ານ ຫງວຽນທ້ຽນເຍີນ ໃຫ້ຮູ້ວ່າ: ໃນຕະຫລອດໄລຍະປະຫວັດສາດ, ເຖິງວ່າ ຕົ້ນກຳເນີດສາສະໜາມີຄວາມແຕກຕາງກັນກໍ່ຕາມ, ແຕ່ຊາວ ຫວຽດນາມ ຖືສາສະໜາໃດກໍ່ແມ່ນຊາວ ຫວຽດນາມ ຜູ້ຮັກຊາດ. ບັນດາສາສະໜາທີ່ພວມເຄື່ອນໄຫວຢູ່ ຫວຽດນາມ ທັງໝົດ ບໍ່ມີສາສະໜາໃດໄປຝືນກັບຫຼັກສິນທຳຮັກຊາດ, ແພງມະນຸດ, ນີ້ແມ່ນພື້ນຖານສຳຄັນທີ່ສຸດ. ວຽກງານສາສະໜາຂອງ ຫວຽດນາມ ນັບມື້ນັບໄດ້ຮັບການຮັບຮູ້ຈາກສາກົນ, ນັ້ນແມ່ນບັນດາຜົນງານ, ວິວັດທະນາການອັນຍາວນານ ນັບແຕ່ມີພັກ, ທ້ອນໂຮມປະເທດຊາດເປັນເອກະພາບມາຮອດປະຈຸບັນ. ນີ້ກໍ່ແມ່ນຂົງເຂດທີ່ແນວໂຮມປະເທດຊາດທຸກຂັ້ນມີຄວາມເອົາໃຈໃສ່ທີ່ສຸດ. ໃນຕໍ່ໜ້າແນວໂຮມປະເທດຊາດ ຫວຽດນາມ ຈະສະຫຼຸບເລື່ອງບັນດາສາສະໜາເຂົ້າຮ່ວມວຽກງານຮັກສາຮາກຖານເຮັດວຽກງານກຸສົນ, ເບິ່ງແຍງດູແລໃຫ້ຄົນທຸກຍາກ, HIV, ເດັກກຳພ້າ.