ເສີມຂະຫຍາຍກຳລັງແຮງສັງລວມໃນບັນດາການເຄື່ອນໄຫວຖະແຫຼງຂ່າວໃຫ້ຕ່າງປະເທດ
ທ່ານ ຫວໍວັນເຖືອງ ຫົວໜ້າຄະນະໂຄສະນາສຶກສາສູນກາງ
ຫົວໜ້າຄະນະຊີ້ນຳວຽກງານຖະແຫຼງຂ່າວໃຫ້ຕ່າງປະເທດ
(ພາບສຳນັກຂ່າວສານ)
(vovworld) – ວັນທີ 22/06 ຢູ່ຮ່າໂນ້ຍ ຄະນະຊີ້ນຳວຽກງານຖະແຫຼງຂ່າວໃຫ້ຕ່າງປະເທດໄດ້ຈັດຕັ້ງກອງປະຊຸມສະຫລຸບອາຍຸການ 2011 – 2015 (ຊຸດທີ 11) ແລະ ກອງປະຊຸມຄັ້ງປະຖົມມະເລີກແຫ່ງການຜັນຂະຫຍາຍໜ້າທີ່ອາຍຸການ 2016 – 2020 (ຊຸດທີ 12). ກ່າວຄຳເຫັນຊີ້ນຳ ກອງປະຊຸມ, ທ່ານ ຫວໍວັນເຖືອງ ຫົວໜ້າຄະນະໂຄສະນາສຶກສາສູນກາງ ຫົວໜ້າຄະນະຊີ້ນຳວຽກງານຖະແຫຼງຂ່າວໃຫ້ຕ່າງປະເທດ ເນັ້ນໜັກວ່າ: ໃນໄລຍະຜ່ານມາ ວຽກງານຖະແຫຼງຂ່າວໃຫ້ຕ່າງປະເທດມີການຫັນປ່ຽນຢ່າງຕັ້ງໜ້າ, ປະກອບສ່ວນອັນໃຫຍ່ຫລວງໃນການປະຕິບັດແນວທາງພົວພັນຕ່າງປະເທດຂອງພັກ, ປະຕິບັດບັນດາໜ້າທີ່ການພັດທະນາເສດຖະກິດ - ສັງຄົມ, ການປ້ອງກັນຊາດ ປ້ອງກັນຄວາມສະຫງົບ ການພົວພັນຕ່າງປະເທດຂອງປະເທດຊາດຢ່າງມີໄຊ. ທ່ານ ຫວໍວັນເຖືອງ ສະເໜີຄວນສືບຕໍ່ປ່ຽນໃໝ່, ຍົກສູງລັກສະນະເປັນເຈົ້າການ, ຍົກສູງການກວມລວມຂອງຄະນະຊີ້ນຳວຽກງານຖະແຫຼງຂ່າວໃຫ້ຕ່າງປະເທດກ່ວາອີກ; ຍົກສູງນ້ຳໃຈຄວາມຮັບຜິດຊອບ, ປະສິດທິຜົນໃນການສົມທົບກັນລະຫວ່າງຄະນະ, ກະຊວງ, ຂະແໜງການຄະນະຊີ້ນຳວຽກງານຖະແຫຼງຂ່າວໃຫ້ຕ່າງປະເທດທ້ອງຖິ່ນຕ່າງໆ; ບັນດາອົງການສື່ມວນຊົນໃຫ້ຕ່າງປະເທດຕົ້ນຕໍ, ອົງການຕາງໜ້າ ຫວຽດນາມ ປະຈຳຕ່າງປະເທດ, ເພື່ອແນໃສ່ຮັບປະກັນການເສີມຂະຫຍາຍກຳລັງແຮງສັງລວມຂອງລະບົບການເມືອງທັງໝົດໃນບັນດາການເຄື່ອນໄຫວວຽກງານຖະແຫຼງຂ່າວໃຫ້ຕ່າງປະເທດ.