ເສີມຂະຫຍາຍບົດບາດ ຂອງຊາວໜຸ່ມປະຈັນບານ, ອາສາສະໝັດ, ຜ່ານຜ່າຄວາມຫຍຸ້ງຍາກ, ມີຫົວຄິດປະດິດສ້າງ
ທ່ານນາຍົກລັດຖະມົນຕີ ຫງວຽນເຕີນຢຸງ ຍ້ອງຍໍ ແລະ
ອວຍພອນບັນດາໄວໜຸ່ມ ຫວຽດນາມ ທີ່ດີເດັ່ນປີ 2013
(ພາບ: qdnd.vn)
(vovworld) - ສູນກາງຊາວໜຸ່ມກອມມູນິດໂຮ່ຈິມິນ ຄວນສົມທົບກັນຢ່າງແໜ້ນແຟ້ນກັບອຳນາດການປົກຄອງທຸກຂັ້ນ, ບັນດາອົງການ, ຄະນະ, ຂະແໜງການ ທີ່ກ່ຽວຂ້ອງເພື່ອສືບຕໍ່ຈັດຕັ້ງການປະຕິບັດບັນດາການເຄື່ອນໄຫວເບິ່ງແຍງດູແລ, ເສີມຂະຫຍາຍບົດບາດອັນໃຫຍ່ຫຼວງຂອງໄວໜຸ່ມຫວຽດນາມຢ່າງມີປະສິດທິຜົນ ແລະ ແທດຈິງ ເພື່ອໃຫ້ລຸ່ນໜຸ່ມຫວຽດນາມ ກາຍເປັນເສົາຄ້ຳຂອງປະເທດຊາດຢ່າງແທດຈິງ, ຍາມໃດກໍ່ສົມກັບຄວາມໄວ້ເນື້ອເຊື່ອໃຈຂອງທົ່ວພັກ, ທົວກອງທັບ ແລະ ທົ່ວປວງຊົນ. ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ເນັ້ນໜັກສິ່ງດັ່ງກ່າວທີ່ການເຮັດວຽກກັບສູນກາງຊາວໜຸ່ມກອມມູນິດໂຮ່ຈິມິນ ໃນວັນທີ 22/03 ເນື່ອງໃນໂອກາດສະເຫຼີມສະຫຼອງ 83 ປີແຫ່ງວັນສ້າງຕັ້ງຄະນະຊາວໜຸ່ມກອມມູນິດໂຮ່ຈິມິນ. ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຮັບຮູ້, ຕີລາຄາສູງ, ຍ້ອງຍໍ ແລະ ອວຍພອນບັນດາໄວໜຸ່ມ ຫວຽດນາມ ທີ່ດີເດັ່ນປີ 2013, ທ່ານສະແດງຄວາມປາດຖະໜາວ່າ ບັນດາບຸກຄົນດີເດັ່ນ, ມີແງ່ຫວັງສືບຕໍ່ມານະພະຍາຍາມ, ສູ້ຊົນກວ່າອີກ ເພື່ອສົມເປັນໄວໜຸ່ມແບບຢ່າງທີ່ດີເດັ່ນ, ຜູ້ທີ່ມີຄວາມເກັ່ງກ້າສາມາດຂອງໄວໜຸ່ມຫວຽດນາມ.