ເສີມຂະຫຍາຍບົດບາດ ຂອງຜູ້ມີອາຍຸສູງ ໃນການປົກປັກຮັກ ສາອະທິປະໄຕ, ຄວາມສະຫງົບເຂດຊາຍແດນ,ທະເລເກາະ
ທ່ານຮອງນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນທີ່ກອງປະຊຸມ
(ພາບ: VGP/Lê Sơn)
(vovworld) – ຕອນເຊົ້າວັນທີ 12/12, ຢູ່ ຮ່າໂນ້ຍ, ໄດ້ດຳເນີນກອງປະຊຸມຍ້ອງຍໍຊົມເຊີຍຜູ້ມີອາຍຸສູງດີເດັ່ນທີ່ເຂົ້າຮ່ວມການປົກປັກຮັກສາອະທິປະໄຕ, ຄວາມສະຫງົບເຂດຊາຍແດນ, ທະເລເກາະ. ຜູ້ແທນອາຍຸສູງທີ່ດີເດັ່ນ 230 ຄົນທີ່ມາຈາກບັນດາແຂວງຊາຍແດນ, ໝູ່ເກາະ ໄດ້ຮັບການຍ້ອງຍໍຊົມເຊີຍທີ່ກອງປະຊຸມ.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ: ປະເທດຊາດ ແລະ ປະຊາຊົນຈົດຈຳການເສຍສະຫຼະ, ການປະກອບສ່ວນອັນໃຫຍ່ຫຼວງຂອງບັນດາວິລະຊົນ, ນັກຮົບທີ່ເສຍສະຫຼະຊີວິດເພື່ອຊາດ ແລະ ຊາວ ຫວຽດນາມ ລຸ້ນຕ່າງໆໃນພາລະກິດສ້າງສາ ແລະ ປົກປັກຮັກສາປະເທດຊາດຕະຫຼອດໄປ, ໃນນັ້ນມີການປະກອບສ່ວນຢ່າງຕັ້ງໜ້າຂອງບັນດາຜູ້ມີອາຍຸສູງ. ທ່ານຮອງນາຍົກລັດຖະມົນຕີ ສະເໜີໃຫ້ສູນກາງສະມາຄົມຜູ້ອາຍຸສູງ ຫວຽດນາມ ແລະ ກອງບັນຊາການທະຫານປ້ອງກັນຊາຍແດນ ສືບຕໍ່ປະຕິບັດລາຍການສົມທົບ, ພ້ອມທັງມີຫຼາຍວິທີຍ້ອງຍໍຊົມເຊີຍບັນດາແບບຢ່າງດີເດັ່ນ, ເຜີຍແຜ່, ທະວີຄຸນບັນດາບົດຮຽນ, ຮູບແບບ ແລະ ວິທີເຮັດຢ່າງມີປະສິດທິຜົນໃນວຽກງານປົກປັກຮັກສາອະທິປະໄຕ, ຄວາມສະຫງົບເຂດຊາຍແດນ, ທະເລເກາະຢູ່ທ້ອງຖີ່ນຈຳນວນໜື່ງ.