(ພາບປະກອບ)
(vovworld) – ຕອນເຊົ້າວັນທີ 29/12 ຢູ່ຮ່າໂນ້ຍ, ກຳມາທິການວັດທະນະທຳ, ການສຶກສາ, ຊາວໜຸ່ມ,ເຍົາວະຊົນ ແລະ ອະນຸຊົນຂອງສະພາແຫ່ງຊາດ ຫວຽດນາມ ໄດ້ຈັດຕັ້ງວາລະອະພິປາຍຂອງລັດຖະບານຕໍ່ໜ້າກຳມາທິການກ່ຽວກັບ “ການປະກາດໃຊ້ເອກະສານນິຕິກຳແນະນຳການປະຕິບັດກົດໝາຍວ່າດ້ວຍຊາວໜຸ່ມ”. ຜ່ານ 9 ປີແຫ່ງການຜັນຂະຫຍາຍການປະຕິບັດ, ກົດໝາຍວ່າດ້ວຍຊາວໜຸ່ມ ແລະ ບັນດາເອກະສານແນະນຳການປະຕິບັດໄດ້ສ້າງກອບກົດໝາຍທີ່ສະດວກ, ເສີມຂະຫຍາຍບົດບາດ ແລະ ຄວາມສາມາດບົ່ມຊ້ອນຂອງກຳລັງຊາວໜຸ່ມໃນການພັດທະນາເສດຖະກິດ - ສັງຄົມ ແລະ ປົກປັກຮັກສາປະເທດຊາດ. ຊາວໜຸ່ມໄດ້ຮັບຄວາມເອົາໃຈໃສ່, ສ້າງເງື່ອນໄຂປະຕິບັດສິດ ແລະ ພັນທະຂອງຕົນ…
ທີ່ວາລະອະພິປາຍ, ບັນດາຜູ້ແທນໄດ້ເຮັດແຈ້ງເລື່ອງປະກາດໃຊ້ເອກະສານນິຕິກຳປະຕິບັດການຄຸ້ມຄອງລັດກ່ຽວກັບວຽກງານຊາວໜຸ່ມ, ປະຕິບັດສິດ ແລະ ພັນທະຂອງຊາວໜຸ່ມໃນຂົງເຂດການຮ່ຳຮຽນ, ການຄົ້ນຄວ້າວິທະຍາສາດ, ການອອກແຮງງານ, ວຽກເຮັດງານທຳ.