(ພາບ:baosonla.org.vn)
( vovworld ) – ກອງປະຊຸມສຳມະນາສື່ມວນຊົນຂອງພັກບັນດາແຂວງເຂດພູດອຍ ທາງພາກເໜືອຫວຽດນາມ ຄັ້ງທີ 14 ປີ 2012 ໄດ້ດຳເນີນໄປເມື່ອວັນທີ 19/7 ທີ່ຜ່ານມາດ້ວຍຫົວຂໍ້ວ່າ: “ສື່ມວນຊົນໂຄສະນາກ່ຽວກັບວຽກງານຕອບບຸນແທນຄຸນ“ ໂດຍມີການເຂົ້າຮ່ວມຂອງອົງການສື່ມວນຊົນບັນດາແຂວງ ນະຄອນເຂດພູດອຍທາງພາກເໜືອຫວຽດນາມ ເກືອບ 30 ແຫ່ງ. ດ້ວຍຫົວຂໍ້ “ສື່ມວນຊົນໂຄສະນາກ່ຽວກັບວຽກງານຕອບບຸນແທນຄຸນ“ ນັ້ນ, ບັນດາຜູ້ແທນໄດ້ຢືນຢັນວ່າ: ສື່ມວນຊົນຂອງພັກ ແມ່ນຊ່ອງຂໍ້ມູນຂ່າວສານສຳຄັນໃນວຽກງານໂຄສະນາ, ປຶກສາຫາລືບັນດາວິທີການເຮັດວຽກທີ່ດີ, ບົດຮຽນໃນການຊີ້ນຳ, ຄົ້ນພົບປັດໄຈໃໝ່, ຕໍ່ສູ້ກັບໄພຫຍໍ້ທໍ້ ແລະ ເພິ່ມທະວີການສົມທົບກັນລະຫວ່າງສື່ມວນຊົນຂອງພັກ ກັບບັນດາຂະແໜງການ, ທ້ອງຖິ່ນຕ່າງໆໃນວຽກງານໂຄສະນາກ່ຽວກັບຂະບວນການ “ຕອບບຸນແທນຄຸນ“.
ບັນດາບົດປະກອບຄວາມເຫັນທີ່ກອງປະຊຸມສຳມະນາໄດ້ແບ່ງປັນບົດຮຽນ, ມາດຕະການຈັດຕັ້ງບັນດາຄໍລຳ, ລາຍການ, ວິທີຄົ້ນພົບ, ເລືອກເຟັ້ນຫົວເລື່ອງຮັບປະກັນລັກສະນະສະຖານະການ, ວິທີສະແດງໃຫ້ມ່ວນ, ດຶງດູດໃຈ, ຜ່ານນັ້ນປະກອບສ່ວນສ້າງ ແລະ ທະວີຄູນໝູ່ຄະນະ, ສ່ວນບຸກຄົນດີເດັ່ນ, ເປັນແບບຢ່າງໃນວຽກງານເບິ່ງແຍງດູແລທະຫານເສຍອົງຄະ, ຄອບຄົວນັກຮົບທີ່ເສຍສະຫຼະຊີວິດເພື່ອຊາດ, ຜູ້ມີຄຸນງາມຄວາມດີຕໍ່ການປະຕິວັດ.