(vovworld) - ທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ Panama Nguyen Anh Duy ຫາກໍເຂົ້າຍື່ນສາຕາຕັ້ງຂອງທ່ານປະທານປະເທດຫວຽດນາມ Truong Tan Sang ໃຫ້ທ່ານປະທານາທິບໍດີ Panama Ricardo Martinelli Berrocal. ທີ່ການຕ້ອນຮັບພາຍຫຼັງພິທີຍື່ນສານຕາຕັ້ງ, ທ່ານປະທານາທິບໍດີ Martinelli ໄດ້ຢືນຢັນວ່າ ຍາມໃດ Panama ກໍຖືການພົວພັນມິດຕະພາບ ແລະ ການຮ່ວມມືທີ່ພວມໄດ້ຮັບການພັດທະນາອັນດີງາມລະຫວ່າງສອງປະເທດເປັນສຳຄັນ, ຖືຫວຽດນາມ ແມ່ນເພື່ອນມິດ ແລະ ຄູ່ຮ່ວມມືທີ່ໄວ້ເນື້ອເຊື່ອໃຈຂອງຕົນ, ທ່ານໄດ້ຕີລາຄາວ່າ ສອງປະເທດມີຄວາມສາມາດບົ່ມຊ້ອນໃຫຍ່ຫຼວງຫຼາຍຢ່າງ ເພື່ອພັດທະນາການພົວພັນຮ່ວມມື, ເພີ່ມເຕີມເຊິ່ງກັນ ແລະ ກັນໃຫ້ແກ່ການພັດທນາຂອງແຕ່ລະປະເທດ. ສ່ວນທ່ານເອກແກຄະລັດຖະທູດຫວຽດນາມ Nguyen An Duy ໄດ້ສະແດງຄວາມປາດຖະໜາຈະເຮັດຈົນສຸດຄວາມສາມາດຂອງຕົນເພື່ອປະກອບສ່ວນເຂົ້າໃນການເພີ່ມທະວີ ແລະ ພັດທະນາການພົວພັນມິດຕະພາບ ແລະ ຮ່ວມມືລະຫວ່າງສອງປະເທດ, ຊຸກຍູ້ການຮ່ວມມືໃນບັນດາຂົງເຂດເຊິ່ງສອງປະເທດມີທ່າແຮງ.