ເອກອັກຄະລັດຖະທູດຫງວຽນຮົ່ງທາວໄດ້ຮັບເລືອກຕັ້ງເປັນຮອງປະທານຜູ້ທີ 2 ຂອງຄະນະກຳມະການກົດໝາຍສາກົນສປຊ
(VOVWORLD) -ກອງປະຊຸມຄັ້ງທີ 70 ຂອງຄະນະກຳມະການກົດໝາຍສາກົນສະຫະປະຊາຊາດ ທີ່ດຳເນີນໃນລະຫວ່າງວັນທີ 30 ເມສາ ຫາວັນທີ 01 ມິຖຸນາ 2018, ຢູ່ສຳນັກງານສະຫະປະຊາຊາດ ທີ່ນິວຢອກ, ປະເທດອາເມລິກາ ແລະ ໃນລະຫວ່າງວັນທີ 03 ກໍລະກົດ ຫາວັນທີ 10 ສິງຫາ 2018 ຢູ່ເຊີແນວ, ປະເທດສະວິດ.
|
 ທ່ານເອກອັກຄະລັດຖະທູດ ຫງວຽນຮົ່ງທາວ
(ພາບປະກອບ: TTXVN)
|
ທີ່ກອງປະຊຸມດັ່ງກ່າວນີ້, ທ່ານເອກອັກຄະລັດຖະທູດ ຫງວຽນຮົ່ງທາວ, ສະມາຊິກຂອງຫວຽດນາມ ໄດ້ເປັນກຽດຮັບເລືອກຕັ້ງເປັນຮອງປະທານຜູ້ທີ 2 ຂອງຄະນະກຳມະການ.
ທີ່ກອງປະຊຸມ, ຄະນະກຳມະການຈະພິຈາລະນາຫຼາຍບັນຫາໃນຍຸກປະຈຸບັນຂອງກົດໝາຍສາກົນຄື: ນຳໃຊ້ຂໍ້ຕົກລົງ ແລະ ພຶດຕິກຳຕົວຈິງໃນການຜັນຈະຫຍາຍການອະພິປາຍບັນດາສົນທິສັນຍາສາກົນ; ກຳນົດຮີດຄອງປະເພນີຂອງສາກົນ; ປົກປັກຮັກສາສິ່ງແວດລ້ອມໃນການປະທະກັນດ້ວຍອາວຸດ…
ຄະນະຜູ້ແທນຫວຽດນາມ ໄດ້ຕັ້ງໜ້າເຂົ້າຮ່ວມໃນບັນດາການເຄື່ອນໄຫວຂອງຄະນະກຳມະການ ໃນການສະເໜີສ້າງບັນດາຂໍ້ກຳນົດຂອງກົດໝາຍສາກົນ ບົນພື້ນຖານຫຼັກການເຄົາລົບເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງບັນດາປະເທດ, ສິດທິມະນຸດ ແລະ ການພັດທະນາແບບຍືນຍົງ.