(ພາບປະກອບ)
(vovworld) – ວັນທີ 23/7, ຄະນະປະຕິບັດງານຂອງຫ້ອງການປະຈຳຄະນະຊີ້ນຳແຫ່ງລັດກ່ຽວກັບທະເລຕາເວັນອອກ - ໝູ່ເກາະ ໂດຍທ່ານ ໂຮ່ຊວນເຊີນ, ລັດຖະມົນຕີຊ່ວຍວ່າການກະຊວງການຕ່າງປະເທດເປັນຫົວໜ້າຄະນະ ມີການເຮັດວຽກຢູ່ແຂວງ ກຽນຢາງ. ກ່າວຄຳເຫັນນະທີ່ນີ້, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ໂຮ່ຊວນເຊີນ ໄດ້ແຈ້ງໃຫ້ຊາບກ່ຽວກັບສະພາບການທະເລຕາເວັນອອກໃນປະຈຸບັນ ແລະ ວຽກງານການທູດຂອງ ຫວຽດນາມ ໃນການຮັກສາອະທິປະໄຕຜືນແຜ່ນດິນອັນຄົບຖ້ວນ, ພ້ອມທັງ ຕີລາຄາສູງບັນດາໝາກຜົນ ເຊິ່ງແຂວງ ກຽນຢາງບັນລຸໄດ້ໃນວຽກງານທະເລ, ໝູ່ເກາະ. ທ່ານລັດຖະມົນຕີຊ່ວຍວ່າການ ສະເໜີວ່າ: ແຂວງ ກຽນຢາງ ຄວນສືບຕໍ່ຍູ້ແຮງການພົວພັນ, ຮ່ວມມືກັບບັນດາແຂວງຕິດກັບຊາຍແດນຂອງປະເທດ ກຳປູເຈຍ ບົນພື້ນຖານສາມັກຄີ, ມິດຕະພາບ, ພ້ອມພັດທະນາ; ເພີ່ມທະວີການຄຸມຄອງອະທິປະໄຕຊາຍແດນທາວບົກ ແລະ ທາງນ້ຳ; ຍູ້ແຮງການພັດທະນາເສດຖະກິດທະເລແບບຍືຍຍົງ.
ກໍ່ໃນວັນທີ 23/7, ຄະນະປະຕິບັດງານຂອງຄະນະກຳມະການປະຕິບັດງານກ່ຽວກັບບັນດາອົງການບໍ່ຂຶ້ນກັບລັດຖະບານຕ່າງປະເທດ ໄດ້ມີການເຮັດວຽກກັບການນຳແຂວງ ກຽນຢາງກ່ຽວກັບສະພາບການເຄື່ອນໄຫວຂອງບັນດາອົງການບໍ່ຂຶ້ນກັບລັດຖະບານຕ່າງປະເທດຢູ່ທ້ອງຖິ່ນ.