ເຮັດໃຫ້ການພົວພັນຄູ່ຮ່ວມມືຮອບດ້ານລະຫວ່າງຫວຽດນາມ-ອົດສະຕາລີເລິກເຊິ່ງຂຶ້ນຕື່ມ
(ທ່ານນາຍົກລັດຖະມົນຕີ ຫງວຽນຊວນຟຸກ
ຮັບເອກອັກຄະລັດຖະທູດອົດສະຕາລີປະຈຳຫວຽດນາມ)
(vovworld) - ຕອນບ່າຍວັນທີ 31/05, ທີ່ການຕ້ອນຮັບທ່ານເອກອັກຄະລັດຖະທູດອົດສະຕາລີປະຈຳຫວຽດນາມ Hugh Borrowman ເຂົ້າຢ້ຽມອຳລາ ເນື່ອງໃນໂອກາດສິ້ນສຸດໜ້າທີ່ການທູດຢູ່ຫວຽດນາມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາສູງບັນດາການປະກອບສ່ວນຂອງທ່ານເອກອັກຄະລັດຖະທູດອົດສະຕາລີ ໃນການເຮັດໃຫ້ການພົວພັນຄູ່ຮ່ວມມືຮອບດ້ານລະຫວ່າງຫວຽດນາມ - ອົດສະຕາລີ ໃຫ້ເລິກເຊິ່ງຂຶ້ນຕື່ມ. ທ່ານນາຍົກລັດຖະມົນຕີ ຫງວຽນຊວນຟຸກ ຕີລາຄາວ່າ, ການພົວພັນລະຫວ່າງ 2 ປະເທດໃນໄລຍະຜ່ານມາໄດ້ມີບາດກ້າວພັດທະນາຢ່າງແຮງໃນຫຼາຍຂົງເຂດຄື: ເສດຖະກິດ, ການຄ້າ, ການທ່ອງທ່ຽວ, ການສຶກສາ ແລະ ບຳລຸງສ້າງ… ທ່ານນາຍົກລັດຖະມົນຕີ ປາດຖະໜາວ່າ, 2 ຝ່າຍຈະສືບຕໍ່ຊຸກຍູ້ການຮ່ວມມືໃນທຸກຂົງເຂດໃຫ້ດີກວ່າອີກ ຄືຍູ້ແຮງການພົວພັນແລກປ່ຽນປະຊາຊົນ ແລະ ປາດຖະໜາວ່າ ຝ່າຍອົດສະຕາລີ ຈະໜູນຊ່ວຍ, ສ້າງເງື່ອນໄຂສະດວກໃຫ້ຜະລິດຕະພັນກະເສດ, ສິນໃນນ້ຳຂອງຫວຽດນາມ ແຊກຊຶມເຂົ້າຕະຫຼາດອົດສະຕາລີ.
ສ່ວນທ່ານເອກອັກຄະລັດຖະທູດ Hugh Borrowman ເຊື່ອໝັ້ນວ່າ, ໃນໄລຍະຈະມາເຖິງ ການພົວພັນລະຫວ່າງ 2 ປະເທດຈະສືບຕໍ່ພັດທະນາຢ່າງແຮງໃນຫຼາຍຂົງເຂດກວ່າອີກຄື ເສດຖະກິດ, ການຄ້າ, ການພົວພັນແລກປ່ຽນປະຊາຊົນ. ທ່ານເອກອັກຄະລັດຖະທູດ Hugh Borrowman ກໍໃຫ້ຮູ້ວ່າ ເຖິງວ່າດຳລົງຕຳແໜ່ງໃດກໍ່ຕາມ ກໍຈະມານະພະຍາຍາມຈົນສຸດຄວາມສາມາດຂອງຕົນເພື່ອແນໃສ່ຊຸກຍູ້ການພົວພັນຮ່ວມມືລະຫວ່າງຫວຽດນາມ ແລະ ອົດສະຕາລີ.